Blog das Coordenadoras Locais da Galiza

Nova Web da Marcha Mundial das Mulleres na Galiza e VII Encontro Internacional

2008-08-24T16:04:00.011+02:00

A Marcha Mundial das Mulleres na Galiza estrea nova web.

Na Coordenadora Nacional da Marcha decidimos cambiar o deseño e formato da web e unificar toda a información e documentación que íamos deixando en diferentes blogs, polo que desde agora este blog non se vai seguir actualizando.

A información oficial da Marcha, só estará dispoñibel na súa páxina web:

http://www.feminismo.info

______

VII Encontro Internacional da Marcha Mundial das Mulleres
Do 14 ao 21 de Outubro de 2008
Vigo - Galiza 2008

Encontro Internacional

___________________________

Videofórum: "Grbavica: o segredo de Esma"

2008-05-29T18:28:00.006+02:00

A Marcha Mundial das Mulleres organizou un videofórum, con bastante asistencia de público, o pasado mércores 28 de Maio ás 20h na Casa das Mulleres en Vigo proxectando o filme "Grbavica: o segredo de Esma" (2005) da directora bosnia Jasmila Znabic, como actividade final polo pasado 24 de Maio Día Internacional das Mulleres pola Paz.

A través do filme, coñecemos a historia dunha nai e a súa filla que viven as consecuencias da guerra nun barrio de Saraxevo chamado Grbavica. En palabras da directora: "Grbavica é sobre todo unha historia de AMOR. Un amor impuro porque está mesturado co odio, o noxo, o trauma, a desesperación. Tamén fala desas VÍCTIMAS que, a pesar de non ter cometido ningún crime, non son de todo inocentes aos ollos das novas xeracións. Ademáis, fala da VERDADE, un poder cósmico sen o que non hai progreso, algo tan necesario para unha sociedade como a de Bosnia-Herzegovina que se esforza por alcanzar a madurez". Grbavica é a súa primeira longametraxe e gañou o Oso de Ouro no festival de Berlín no 2006.

Dia Internacional de Acción pola Saúde das Mulleres

2008-05-25T18:47:00.004+02:00

A Coordenadora Comarcal de A Coruña organiza ao redor da celebración da Xornada Internacional de Acción pola Saúde das Mulheres todo un ciclo de conferencias, videoforuns e coloquios que centram a sua olhada no dereito ao aborto. Celebraránse os días 19, 21, 26 e 28 de Maio ás 19:30 horas na Casa Casares Quiroga (Rúa Panadeiras, 12 A Coruña).

A historia do Día Internacional de Acción pola Saúde das Mulleres tivo a súa orixe no Vº Encontro Internacional de Muller e Saúde realizado en San José, Costa Rica, en maio de 1987.

A data foi escolhida ao ser precisamente un 28 de maio de 1984, cando 70 activistas de América Latina e o Caribe se reuníron en Tenza, Colombia, para participar na I Reunión Rexional Muller e Saúde, onde acordaron crear a Rede de Saúde das Mulleres de América Latina e o Caribe.

Na IIIª Conferencia sobre Poboación e Desenvolvemento de Nacións Unidas que tivo lugar no Cairo,o movemento internacional de saúde das mulleres logrou que dentro do Programa de Acción desta Conferencia se recoñecese os dereitos reprodutivos como dereitos humanos.

Mulleres de Negro en Vigo

2008-05-22T20:24:00.004+02:00

Con motivo do 24 de maio Día Internacional das Mulleres pola Paz, a Marcha Mundial das Mulleres organiza unha conferencia sobre a situación das mulleres nos países en guerra, impartida por Elvira Vázquez e María Huertas, membras da Rede Internacional Feminista e Antimilitarista Mulleres de Negro o venres 23 de maio ás 20h no salón de actos da Sede Fundación Caixa Galicia ( Policarpo Sanz, 21 Vigo).

Mulleres de Negro é unha Rede Internacional de mulleres feministas, pacifistas e activistas contra a violencia e a guerra. Nace en Israel co encontro de mulleres israelíes e palestinas traballando conxuntamente a prol da paz e como rexeitamento ao conflicto bélico que enfronta aos seus pobos. Consolídase como Rede durante a guerra dos Balcáns cando as mulleres dos distintos territorios que conformaban a ex Iugoslavia deciden reunirse proclamándose insumisas aos seus gobernos e iniciar unha actividade solidaria internacional contra a violencia e a guerra. Na actualidade, Mulleres de Negro teñen presenza en países de: África, Europa, América do Norte, do Sur e Centroamérica, Asia e Oceanía.

Elvira Vázquez Martínez é terapeuta corporal e psicopedagoga e María Huertas Zarco, psiquiatra e psicóloga, as dúas son feministas e activistas contra a violencia e a guerra da Rede Internacional de Mulleres de Negro, así como membras do comité de organización do XIV Encontro Internacional de Mulleres de Negro celebrado en agosto do 2007 en Valencia.

Dia Internacional das Mulheres pola Paz

2008-05-21T23:28:00.003+02:00

A Coordenadora Comarcal de Ferrolterra, organiza o sábado 24 de Maio, a proxeçom do filme AS TARTARUGAS TABÉM VOAM. Este filme, que tem a característica de ser protagonizado por crianzas que vivem nos campos de refugiados, mantém entre o realismo, a fiçom e mesmo algumha pincelada cómica, o drama da guerra na mais descarnada das súas olhadas, o futuro negado às crianzas. A pequena protagonista do filme queda atrapada e sem saida numha realidade de violencia patriarcal estrema.
Ao remate da proxeçom invitara-se ás pessoas asistentes a compartilhar as suas reflexons. Será o sábado 24 às 19hs no salom de actos do Ateneo Ferrolán.

III Bandeira de Traiñeiriñas da Marcha Mundial das Mulleres

2008-05-15T19:12:00.005+02:00

A III Bandeira de Traiñeiriñas da Marcha Mundial das Mulleres celebrouse o pasado domingo 11 de Maio de 2008 no peirao do porto de Bueu (Pontevedra).

Inscritas dez tripulacións, no último momento só participaron oito, por enfermidade dunha remeira de Amegrove e as da vila de Cangas, tiveron problemas “técnicos” que consideramos que máis que técnicos foron machistas, xa que non puideron participar por falta de barco e podrían facelo compartindo barco co dos rapaces; pero ao cambiar en orde a regata e adiantar ás rapazas despois dos xuvenís “non lles daba tempo a cambiar o barco”. De tódolos xeitos, a MMM considerou que tiñan que levar premio por estar ali e querer participar aínda que non puideran facelo.

Destacar tamén, que as remeiras de Cesantes (Redondela) e Coruxo (Vigo) uníronse para poder formar a tripulación dunha traiñeiriña.

A clasificación foi a seguinte:

1º clasificadas (Bandeira de Traiñeiriñas da MMM) :

C.R. Cabo Cruz de Boiro (Boiro)

2º clasificadas:

C.R. Chapela

3º clasificadas:

C.R. Sanmertolomeu de Meira

4º clasificadas:

C.R. Mecos do Grobe

5º clasificadas:

C.R. De Vilaxoán

6º clasificadas:

C.R. O Mar de Bueu

7º clasificadas:

C.R. A Cabana do Ferrol

8º clasificadas:

C.R. Cesantes-Coruxo

9º clasificadas:

C.R. Vila de Cangas

Contamos coa presenza de moitas personalidades, algunhas das cales entregaron os premios como: Carmen Adán (Secretaria Xeral de Igualdade), Marta Souto (Directora Xeral de Deportes da Xunta de Galicia), Mª Xesús López Escudeiro (Delegada de Deportes de Pontevedra), Laura Ogando, Rebeca Gago, Teresa Madaleno (concelleiras de Igualdade, Educación e Servizos respectivamente do concello de Bueu), así como o alcalde e concelleiros do concello de Bueu.

A pesar do mal tempo, foi un día alegre e festivo para as remeiras e o público que estivemos ali en xeral.

O 11 de Maio de 2008, realizarase a III Bandeira de Traiñeiriñas da Marcha Mundial das Mulleres no peirao de Bueu

2008-05-07T09:33:00.007+02:00

TRAIÑEIRIÑAS

A Marcha Mundial das Mulleres de Galiza, continua a súa loita pola igualdade en tódolos aspectos da vida das mulleres, e sigue apostando pola igualdade de participación no remo de banco fixo, (bateis, traiñeiriñas e traiñas), despois de dous anos de loita polo seu recoñecemento oficial. É por isto, que seguimos organizando as regatas de traiñeiriñas.

Na data do 11 de Maio, realizarase a III Bandeira de Traiñeiriñas da Marcha Mundial das Mulleres no peirao de Bueu, ás 11.30h, coa participación (ata o momento), dos seguintes clubes:

C.R do Mar Bueu
C.R de Chapela
C.R Samertolameu de Meira
C.R Cabo Cruz de Boiro
C.R A Cabana de Ferrol
C.R Amegrove do Grove
C.R Mecos do Grove
C.R Vilaxoán de Vilagarcía

A presentación de Bandeira e trofeos, será o venres día 9 de Maio ás 12.00h no Concello de Bueu, coa presencia do Alcalde de Bueu, a Concelleira de Igualdade de Bueu, a Secretaria Xeral de Deportes da Xunta de Galicia, e máis os membros e remeiras do clube do Mar de Bueu, ademáis das representantes da Marcha Mundial das Mulleres.

Rogamos a súa difusión ,asistencia e participación.

NO DEPORTE E NA VIDA , A IGUAL ESFORZO IGUAL RECOÑOCEMENTO

Para calquera aclaración
contactar con Mª Luz
no 986252214 ou 679840679
_________

Enlace co Folleto da MMM:

A DESIGUALDADE DAS MULLERES NO DEPORTE
[III Bandeira de Traiñeiriñas da Marcha Mundial das Mulleres - 2008]
_______________________

Dereitos sexuais e reproductivos das mulleres durante a República

2008-04-24T21:40:00.006+02:00

A Marcha Mundial das Mulleres organizou o pasado xoves 17 de abril ás 19:30h na Casa das Mulleres (Romil nº20) en Vigo, unha charla sobre os Dereitos Sexuais e Reproductivos das mulleres durante a República impartida por Lola Ferreiro Díaz.

Lola é catedrática de Procesos Sanitarios no IES Lamas de Abade de Compostela e licenciada en Medicina e Cirurxía pola Universidade de Compostela con doutoramento en saúde mental e delincuencia en adolescentes.É membra do Grupo Lúa Crecente, de estudos e deseño de programas de Educación para a Saúde dende a perspectiva de xénero e ten unha ampla obra publicada sobre: psiquiatría, violencia de xénero, coeducación afectivo-emocional e sexual, etc. e ten colaborado como docente en diversos programas e actividades de formación.

Entrega de Autoinculpacións en Compostela

2008-03-29T11:59:00.006+01:00

A Coordenadora Local de Compostela, da Marcha Mundial das Mulleres, convoca unha Concentración nos Xulgados de Compostela en Fontiñas, o luns 31 de Marzo, ás 19:00 horas, para facer entrega das Autoinculpacións.

. DECLARO ter interrompido voluntariamente o meu embarazo de forma consciente e responsábel

. DENUNCIO a persecución á que se está a someter ás mulleres e ESIXO que o dereito a abortar se garanta na Rede Sanitaria Pública

. DECLARO ter acompañado a unha muller a interromper voluntariamente o seu embarazo

Enlace de interese:

A Marcha Mundial das Mulleres diante do intento de recorte do Direito ao Aborto
__________

Xuntanza Constitutiva do Consello do Foro Social Galego: 29 de Marzo

2008-03-29T10:14:00.002+01:00

Atendendo ao compromiso adquirido o 26 de xaneiro no Día de Mobilización e Acción Global en Compostela enviamos a seguinte convocatoria:

XUNTANZA CONSTITUÍNTE DO CONSELLO DO FORO SOCIAL GALEGO (FSGalego)

Son convocadas as organizacións e persoas a título individual que o 26 de xaneiro manifestaron querer formar parte do dito consello dinamizador-organizador. A xuntanza terá pois carácter de "constituínte" do mencionado Consello.

Data: sábado 29 de marzo ás 10:30 horas mañá
Lugar: Centro Sociocultural de Fontiñas (rúa Berlín, polígono das Fontiñas, preto de Area Central) en Compostela

Orde do Día:

Constitución do Consello Dinamizador do FSGalego
Congruencia da composición do Consello á Carta de Principios do Fórum Social Mundial
Consulta Carta de princípios:
http://altermundo.org/portal/content/view/1110/374/
Definición e obxectivos do FSGalego (formato, funcións, etc.)
Plan de traballo para organizar o FSGal:

Data e lugar de celebración
Financiamento
Comunicación
Modelo organizativo
Eixes temáticos

Enviar suxestións sobre esta proposta a info@altermundo.org
_______________

Mesa redonda, na Casa das Mulleres de Vigo, sobre a situación actual do dereito ao aborto

2008-03-29T10:09:00.009+01:00

A Marcha Mundial das Mulleres presenta o próximo xoves 3 de abril ás 20h na Casa das Mulleres unha mesa redonda sobre a situación actual do dereito ao aborto dentro da temática do mes de abril sobre Dereitos Sexuais e Reproductivos que se levará a cabo na Casa das Mulleres (R/ Romil nº20).

Intervirán como poñentes: Eugenia .......(traballadora social do Centro de Orientación Familiar de Vigo), Isabel Blanco (xinecóloga do Complexo Hospitalario Xeral- Cíes de Vigo), Isabel Barbero (avogada) e Vitoria Iglesias Molares (como representante do movemento feminista e presidenta da Marcha Mundial das Mulleres), que pola súas traxectorias profesionais e experiencia aportarán información e asesoramento sobre o mesmo.

Aproveitamos a ocasión para anunciarvos que durante o mes tamén haberá máis actividades como : cinefórum, charlas relacionadas coa educación sexual, o papel da muller na República e un curso básico sobre feminismo para persoal das vogalías da muller.

Agradecemos a súa máxima difusión e asistencia.

Un saúdo!
_______________

Pese as prohibicións as mulleres estivemos na rua este 8 de de Marzo de 2008

2008-03-08T17:59:00.025+01:00

Pese as prohibicións gubernamentais, as mulleres, na Galiza, estivemos na rúa este 8 de Marzo. Non podíamos quedar na casa e caladas, non nos podían silenciar, sobre todo no día internacional da nosa loita, no dia internacional das mulleres. Querían condernarnos ao obstracismo, o PP con ameazas e o goberno con prohibicións concretas a través das súa Delegación de Goberno. Pese as prohibición con inxenio e constancia somos visibles este 8 de Marzo.

As mulleres mobilizamonos en todo o mundo, na maioria dos casos en "liberdade", mais noutros casos coa ameaza de cárcere e porradas nas nosas costas, noutros casos no medio dunha guerra, exclavizadas, violadas, vendidas, empobrecidas, silenciadas invisibles, ...

Pola mañá xa tiveron lugar varias mobilización con importante suceso, pola tarde continuaran as mobilizacións noutras cidades da Galiza e as Feiras e Festas Feministas.

Na medida en que teñamos información a iremos publicando neste sitio.

FERROL:

Hoxe pola maña ás 12 do mediodía tivo lugar a concentración diante do Edificio dos Xulgados, na rúa Coruña, 100 persoas acudiron á convocatoria da Marcha, onde logo dunha intervención, tres representantes fixeron entrega de 403 autoinculpacións no xulgado de garda. Pola tarde ás 6, está previsto que dé comezo a Feira Feminista, no barrio da Gándara de Narón.

Audio da intervención na Concentración en Ferrol [08.03.2008]

Get this widget

Track details

eSnips Social DNA

Galería Fotográfica da Concentración e entrega de Autoinculpacións en Ferrol o 8 de Marzo de 2008

Galería Fotográfica da 1ª Feira Feminista de Ferrol Terra - A Gándara - Narón 8 de Marzo de 2008

VIGO:

Até 400 persoas participaron na marcha até o Edificio dos Xulgados onde se presentaron 374 autoinculpacións.

Galería Fotográfica do 8 de Marzo de 2008 en Vigo. Mobilización convocada pola Coordenadora Local de Vigo da Marcha Mundial das Mulleres
[08.03.2008]

PONTEVEDRA:

En poucos minutos publicaremos a información

OURENSE:

En poucos minutos publicaremos a información

COMPOSTELA:

En poucos minutos publicaremos a información

A CORUÑA:

En poucos minutos publicaremos a información
____________

Enlace co Comunicado da Marcha Mundial das Mulleres na Galiza, para este 8 de Marzo de 2008

Enlace co Comunicado Internacional

______________
Enlaces relacionados:

A Marcha Mundial das Mulleres diante da prohibición das manifestacións do 8 de Marzo, por parte da Delegación do Goberno Español en Galiza e variación dalgunhas convocatorias

O 8 de Marzo na Galiza, segundo algúns medios de comunicación:

Enlace co Blog "A Marcha nos Medios"
_____________

A Marcha Mundial das Mulleres diante da prohibición das manifestacións do 8 de marzo, por parte da Delegación do Goberno Español en Galiza

2008-03-07T11:23:00.023+01:00

A Marcha Mundial das Mulleres diante da prohibición das manifestacións do 8 de Marzo, por parte da Delegación do Goberno Español en Galiza e variación dalgunhas convocatorias

Este 8 de Marzo seremos visibles en toda Galiza, desafiando as imposicións e recortes de dereitos con imaxinación e firmeza, ni un paso atrás na defensa dos nosos dereitos.

Este 8 de Marzo estaremos na rúa.

Ante a prohibición da Delegación do Goberno en Galiza das manifestacións convocadas para o día 8 de Marzo “Día Internacional das Mulleres” facemos de todas o posicionamento das compañeiras de Vigo:

1º) A falla de sensibilidade do goberno ao convocar as eleccións o día 9 de marzo, deixando o día 8 “Dia Internacional das Mulleres” invisivibilizado pola convocatoria electoral. Unha vez máis os intereses que prevalecen non son os das mulleres.

2º) Queremos denunciar a actitude cobarde da subdelegación do goberno que a pesar de ter coñecemento da convocatoria da manifestación desde o día 13 de febreiro non se atreveu a prohibila ata onte, día 5 de marzo -amparándose nunha sentenza do Tribunal Superior de Xustiza de Madrid-

3ª) A Marcha Mundial das Mulleres non considera que a manifestación do 8 de Marzo, unha manifestación histórica, que se realiza en todo o mundo na mesma data, e que as organizacións de Galiza vimos convocando desde hai máis de 30 anos, sexa un acto de campaña electoral (acto que estaría prohibido polo artigo 53 da Lei Orgánica de Réxime Electoral Xeral), senón un xeito máis de autoafirmarnos e reivindicar a igualdade de dereitos e de trato para as mulleres.

4º) O Tribunal Superior de Xustiza de Madrid, no se que se basea a Subdelegación do Goberno para prohibir a manifestación, admite que “a manifestación convocada non ten finalidade electoral algunha” .

5ª) A prohibición basease en que a finalidade da xornada de reflexión é a de contribuir a unha formación de vontade libre de quen vai exercer o seu dereito de sufraxio activo ao día seguinte, sen mensaxes nin xestos que directa ou indirectamente poidan rachar esa neutralidade, e non todos os partidos políticos comparte os mesmos postulados respecto ás reivindicacións da muller.

Se aceptamos que a manifestación do 8 de marzo pode supor unha ameaza para esa neutralidade:

Non é unha ameaza para esa neutralidade a realización de actos nese fin de semana convocados por unha organización que se ten manifestado diante das eleccións orientando o voto dos seus afiliados? Non, non estamos falando o movimento feminista senón da igrexa católica, que a través da conferencia episcopal emitiu un comunicado orientando o voto das persoas católicas e que durante os vindeiros días, sábado (día de reflexión) e domingo (día das votacións) ten previsto a realización de varios actos en cada parroquia. Están eles libres da tenue barreira que separa o político do social?

Non é unha ameaza para esa neutralidade o acto convocado pola Deputación de Pontevedra para o sábado pola mañan? ¿Ou a carreira convocada na Comunidade de Madrid por Esperanza Aguirre?-

VIGO:

As Compañeiras de Vigo enviaron unha nota de prensa denunciando a imposición da prohibición, desconvocando a manifestación e facendo un chamamento á mobilización:

DESCONVOCAMOS –POR IMPERATIVO LEGAL- A MANIFESTACIÓN CONVOCADA PARA O DÍA 8 DE MARZO.
CHAMAMOS A TODAS AS MULLERES A PARTICIPAR NA FESTA QUE SE REALIZARÁ O SÁBADO DIA 8 DE MARZO, NA PRAZA 8 DE MARZO (NA RÚA CAMELIAS) A PARTIR DAS 11 DA MAÑÁ E A ENTREGA DE AUTOINCULPACIÓNS NO XULGADO ÁS 13 HRS.

Enlaces:

COMPOSTELA:

En Compostela chegounos unha nota variando a convocatoria:

Queda desconvocada a entrega de autoinculpacións no xulgado, mais, este sábado, convocan na Praza 8 de Marzo [Porta do Camiño], ás 8 da Tarde, onde haberá Teatro e unha Concentración.

FERROL TERRA:

En Ferrol, continuan as convocatorias das 12 do mediodía diante do xulgado para entregar autoinculpacións e a Feira Feminista das 6 da tarde na Gándara.

Enlace:

Actos Convocados pola Coordenadora Local de Ferrol Terra este 8 de marzo de 2008

OURENSE:

En Ourense recurriron a prohibición das mobilizacións:

Prezadas compañeiras: Finalmente chegou a notificación da Subdelegación do Goberno en Ourense. Remitimos o seguinte recurso perante o Tribunal Superior de Xustiza de Galiza e a Subdelegación. Igualmente remitímolo a todos os medios de comunicación con data de hoxe, mantendo a entrega de autoinculpacións e mudando a concentración por unha festa-encontro de mulleres.

Apertas e ánimo nos actos de 8M. Que non apaguen a nosa voz!
Eva Salgado

DESCONVOCAMOS –POR IMPERATIVO LEGAL- A CONCENTRACIÓN CONVOCADA PARA O DÍA 8 DE MARZO.
CHAMAMOS A TODAS AS MULLERES A PARTICIPAR NA FESTA-ENCONTRO DE MULLERES QUE SE REALIZARÁ O SÁBADO DIA 8 DE MARZO, NA PRAZA DE CONCEPCIÓN ARENAL A PARTIR DAS 13 HRS DA MAÑÁ E A ENTREGA DE AUTOINCULPACIÓNS NO XULGADO Á MESMA HORA.

Enlace:

Posición desde Ourense e interposición de recurso contencioso-administrativo ante o Tribunal Superior de Xustiza de Galiza

PONTEVEDRA:

Segundo algún medio de comunicación:

"Aínda que na Cidade do Lérez si que se suspendeu o acto programado para non "desobedecer" a orde da Delegación do Goberno, Álvarez reivindicou o dereito das mulleres "a saír á rúa e non quedar caladas na casa". A Marcha en Pontevedra non renunciará a colocar "símbolos feministas" na mesma data e lugar onde estaba convocada a manifestación: a Praza 8 de marzo."

" Os actos organizados en Pontevedra, co lema Nin un paso atrás, non podemos perder dereitos!, completaríanse coa presentación doutras 200 autoinculpacións de mulleres por abortar. Este acto non foi cancelado."

A CORUÑA:

Polo de agora segue convocada a concentración, o sábado 8 de marzo, ás 12 do mediodía na Praza de Catro Camiños.

Novas en Varios Xornais Dixitais:

Prohibidas as manifestacións do 8 de marzo.[GZnación - 5 Mar 08] A Delegación do Goberno en Galiza prohibiu as manifestacións convocadas para o vindeiro sábado, 8 de marzo, con motivo da celebración do Día Internacional da Muller.
Prohibidas pola Delegación do Goberno en Galicia.As manifestacións do Día da Muller, vítimas da xornada de reflexión [Galiciae 05/03/2008]
Prohibición do Goberno central.Os actos do Día da Muller, entre o 'querer' e o 'deber'. [Galiciae 06/03/2008]
A Marcha Mundial dás Mulleres recorrerá a prohibición que lles impide manifestarse o día 8
Cualifican a decisión de "inxusta" e recrimínanlle ao Goberno que non utilice a mesma lei para “para prohibir as misas”, pois “o episcopado leva máis de seis meses en campaña, pedindo o voto" [GZnación - 5 Mar 08]
Defender a muller ten "incidencia política"? [Vieiros 06.03.2008]
‘Delegado del Gobierno’ proibe as mobilizaçons convocadas para o 8 de Março na Galiza administrativa [indimediaGaliza - 05.03.2008]

Outras Notas recebidas:

Nota que nos enviou MNG diante das prohibicións de manifestacións este 8 de marzo
Carta de Mari Luz, diante da prohibición das manifestacións do 8 de marzo. Prohibidas as manifestacións do 8 de marzo
8 de marzo: Manifesto do colectivo feminista Nomepisesofreghao
Moreia de Parafeministas Desgêneradas
8 de Marzo, unha verdadeira xornada de reflexión, por Marga do Val

________________

Actos convocados pola Coordenadora Comarcal en Ferrolterra

2008-03-03T18:35:00.007+01:00

A Coordenadora Comarcal da Marcha Mundial das Mulleres de Ferrolterra, convoca actos neste sábado 8 de Marzo, DIA INTERNACIONAL DAS MULLERES, aos que convida a participar a toda a cidadanía baixo o lema NIN UN PASO ATRAS, AS MULLERES NON PODEMOS PERDER DEREITOS!

Ás doce do mediodia, nos xulgados da Rua Coruña da cidade de Ferrol, celebraráse unha concentración e entrega de autoinculpacións en solidariedade coas mulleres enxuiciadas por aborto en Madrid, e para pedir unha nova lei do aborto.

De seis da tarde a nove da noite, no Pavillón da Mocidade de Narón, no barrio da Gańdara do concello de Narón, celebraráse unha feira feminista, na que se contará con exposición de libros, arte, artesania, mostra de colectivos, actuacións musicais, recital poético.....
Mais información en www.feminismo.info ou no telefono 671695968

No Día Internacional das Mulleres na Galiza, 8 de marzo de 2008: Nin un paso atrás ! Non podemos perder dereitos

2008-02-29T21:46:00.002+01:00

8 DE MARZO, DIA INTERNACIONAL DAS MULLERES

Nin un paso atrás! As mulleres non podemos perder dereitos

Levamos un longo camiño andado desde que en 1910 se acordaba na Conferencia Internacional Socialista de Mulleres, celebrada en Copenhague, sinalar o 8 de Marzo como un día de mobilización e loita polos dereitos das mulleres. A nosa sociedade ten avanzado cara onde soñaban as mulleres que viviron a Segunda República, e como nin chegaron a imaxinar as que tiveron que sobrevivir á dictadura franquista. Con todo, sabemos que nos queda moito por camiñar. Tamén sabemos que o que temos conquistado até agora pode sernos arrebatado por intereses políticos, económicos ou relixiosos. Isto é o que sucedeu nas últimas décadas en paises como Afganistam, Iraq, Nicaragua, Exipto, EEUU ou Polonia. Isto é o que pretenden as forzas reaccionarias representadas pola Conferencia Episcopal e a cúpula do Partido Popular.

Asistimos, nestes últimos meses, a un discurso ameazador que relaciona un suposto caos social coa liberdade das mulleres, co noso estatus de cidadás en igualdade e cos dereitos conseguidos até agora. E dos discursos preténdese pasar aos feitos. Así xa se fixo, abrindo procesos xudiciais a mulleres que se acolleron á Lei do Aborto, demostrándonos que esta lei é insuficiente para protexer e garantir o noso dereito a decicir, e nos deixa desprotexidas ante a reacción machista. Políticos conservadores, para a nosa intranquilidade, aseguran que se gañan as eleccións van facer cumprir a Lei do Aborto. E dicer, haberá máis mulleres enxuiciadas, máis clínicas fechadas e máis obxección de conciencia na sanidade pública. Os discursos non paran aí. Fálase do divorcio como un mal da nosa sociedade e descúlpase a violencia machista por falta de paciencia e capacidade de sacrificio das mulleres.

Para o noso asombro, estes políticos, coreados pola Conferencia Episcopal, falan de negar os dereitos humanos, o dereito á igualdade, a lesbianas e gais, intentando impoñer un modelo único de familia. Ademais, o racismo tinxe este discurso que pretende que recuperemos o medo á liberdade de épocas escuras, de exclusión e sufrimento para as mulleres. A situación é grave porque falamos da institución relixiosa con máis poder no noso país e dunha forza política maioritaria.

A Marcha Mundial das Mulleres recolle moitos anos de experiencia de loita feminista de todas partes do planeta. É por iso que sabemos que cando soan tambores anunciando pasos atrás, retrocesos na conquista dos nosos dereitos, o mellor xeito de facerlles fronte é a denuncia, a organización e a mobilización. Este 8 de Marzo estaremos presentando autoinculpacións de ter abortado nos xulgados das sete cidades galegas. Facémolo para mostrar a nosa solidariedade coas mulleres enxuizadas, para denunciar unha lei que non garante o noso dereito a decidir. Estaremos organizando, ao longo da xeografía galega, actos de denuncia e toma de conciencia, do que nos xogamos se nos arrebatan o que levamos conseguido. Estaremos visibeis, ocupando os espazos públicos. Estaremos unidas ao resto das mulleres do planeta que senten a necesidade de cambiar o mundo para cambiar a vida das mulleres, e que hai que cambiar a vida das mulleres para cambiar o mundo.

Se queres sumarte á nosa resposta contra a reacción machista consulta www.feminismo.info

NIN UN PASO ATRÁS! AS MULLERES NON PODEMOS PERDER DEREITOS

ACTOS PROGRAMADOS PARA O DÍA 8 DE MARZO

Entrega de autoinculpacións nos xulgados das sete cidades ás 13 h.

-Pontevedra: Concentración ás 20 h. na Praza 8 de Marzo.

-Vigo: Manifestación ás 12 h. con saída da Praza 8 de Marzo.

-Ourense: Concentración ás 13 h. diante do Xulgado.

-A Coruña: Concentración ás 12 h. na Praza de Catro Camiños.

-Ferrol: Concentración ás 12 h. diante do Xulgado (R/ Coruña).

-Compostela: Entrega de autoinculpacións no Xulgado ás 13 h.
________________

Nota enviada aos medios de comunicación pola Coordenadora Local de Ourense

2008-02-21T17:50:00.003+01:00

A MARCHA MUNDIAL DAS MULLERES EN OURENSE, CON MOTIVO DA SIGNIFICADA DATA DO 8 DE MARZO, E AO FÍO DOS ATAQUES OCURRIDOS NOS ÚLTIMOS MESES CONTRA A INTIMIDADE E O DEREITO DAS MULLERES AO ABORTO, ASÍ COMO CARA AS E OS PROFESIONAIS QUE OS PRACTICAN, QUERE PROPICIAR O DEBATE SOBRE ESTE TEMA NA NOSA SOCIEDADE E FACER O SEGUINTE MANIFESTO:

Na lexislación do Estado Español o aborto é un delito recollido no Código Penal, que no ano 1985 se ve despenalizado parcialmente (Reforma do Artº 417 bis do C.P. por L.O. 9/1985, de 5 de Xullo) só en tres supostos: Terapéutico (perigo para a saúde física ou psíquica da nai, sen límite de prazo xestacional), Euxenésico (afectación do feto até as 22 semanas de xestación) e Ético (violación denunciada até as 12 semanas de xestación).

No transcurso destos 22 anos de despenalización parcial do delito propiciáronse diferentes consecuencias sociais con implicación directa na vida das mulleres :
Aumentaron progresiamente as actitudes sociais e persoais positivas a favor da interrupción voluntaria da xestación.
Esta maior permisibidade social propiciou, a partir de 1985, o nacemento de tres clínicas privadas acreditadas legalmente en Galiza para a Interrupción da xestación. Realizan todos os abortos até as 12 semanas de xestación baixo o suposto terapéutico de perigo para a saúde psíquica da nai, contando para isto con psiquiátras próprios pagados para a realización de informes con esta indicación. Isto da lugar a que todas as mulleres con capacidade económica para sufragar os gastos poidan interrumpir unha xestación non desexada, e ante esta posibilidade aumente o número de mulleres que demanda este dereito.
Pola contra, no sistema público de saúde, existen e persisten até o de agora dificuldades importantes realizándose un número moi baixo de interrupcións debido á Obxección de conciencia d@s profesionais sanitarios, tanto para a certificación das indicacions por parte d@s especialistas como para a realización dos mesmos dentro dos hospitais.

A pesar destas dificultades no ámbito público, un gran número de mulleres pode solucionar o seu problema no ámbito privado, co que os grupos de presión social que tradicionalmente viñan reivindicando a promulgación dunha Lei de aborto baseada en prazos dentro da sanidade pública como un dereito da saúde sexual e reproductiva das mulleres, afogaran as súas voces.

Mais hoxe, igual que hai 22 anos, froito dunha lexislación restritiva e penalizadora, persisten os problemas que limitan a liberdade individual das mulleres para acceder ao aborto. Por tanto, é preciso pór de manifesto:

O aborto non é unha prestación universal por dereito: As mulleres con menor capacidade económica, sobre quen recaen maiores consecuencias sociais desfavorábels polo feito de ter un fillo/a, son as que teñen maior dificuldade para acceder a esta prestación ao realizarse o 95% dos abortos na privada.
Existe unha dobre bara de medir: Todas as mulleres con embarazos non desexados sofren afectación psíquica segundo as e os especialistas en psiquiatría das clínicas privadas, pero non lles ocurre así se a valoración da indicación é de psiquiátras alleos a estas clínicas.
Non existe unha regulación da obxección de conciencia, basta con que @s diferentes profesionais digan que non queren colaborar en nada relativo ao aborto, por conflictos éticos ou simplemente por non significarse dentro do colectivo profesional que mantén prexuizos neste tema. Isto trae como consecuencia que haxa profesionais contratados para traballar en Planificación Familiar que non queran asesorar sobre aborto, ou que existan hospitais públicos onde nengún/nengunha profesional garantice o dereito ao aborto a mulleres que xa obtiveron os difíciles informes de indicación legal pertinentes.
Nos últimos tempos, co acceso dos partidos de esquerdas galegos ao goberno da Xunta de Galiza, intentouse subsanar algúns dos erros do pasado sen modificar a lexislación, o que lonxe de contribuír á universalización do dereito, o que fixo foi acentúar máis a desigualdade de trato dependendo da zona xeográfica de residencia da muller. Por exemplo, para subsanar o problema da Coruña onde nengún profesional da sanidade pública estaba disposto a realizar abortos, a Inspección sanitaria desta provincia autoriza e paga todas as interrupcións do embarazo nunha clínica privada da cidade.
Así pois, absolutamente a todas as mulleres da Coruña, que non as do resto de Galiza, se lles garantiza o dereito ao aborto. Só teñen que acudir á clínica privada onde a/o psiquiatra da mesma lles emite o informe de indicación que despois paga a Seguridade Social.
E por último, a inconcreción da lexislación actual, entre outras moitas irregularidades, propicia a indefensión legal das e dos profesionais que realizan abortos e a gravísima intromisión na intimidade das mulleres a que estamos asistindo nos últimos meses.

Pasados 22 anos da despenalización parcial, é preciso reflexionar sobre o aborto. A sociedade evolucionou cara actitudes máis favorábels que permiten sen risco de enfrentamentos garantir este dereito de saúde das mulleres si existe vontade política.

É por isto, polo que neste 8 de Marzo de 2008, a igual que fixemos en 1985, as mulleres da MARCHA MUNDIAL queremos facer rexurdir a conciencia da cidadanía, para novamente esixir aos gobernos de esquerdas que cumpran coa súa obriga ideolóxica de universalizar a prestación da interrupción legal da xestación a todas as cidadás en igualdade de condicións, solicitando ao Parlamento Español a elaboración e aprobación dunha verdadeira Lei do aborto baseada en prazos, que deixe de ser un delito recollido no Código Penal, que se garantice a súa realización con cargo á Seguridade Social e que se regule a obxección de conciencia d@s profesionais.

Entrevista com Miriam Nobre em Compostela

2008-02-15T19:55:00.001+01:00

Concentraçom em Cospostela polo direito ao aborto

2008-01-27T20:47:00.004+01:00

Comunicado da Marcha Mundial das Mulleres para as concentracións do 23X

2008-01-23T07:31:00.002+01:00

Hai case 30 anos o xuízo a 11 mulleres de Basauri por ter abortado iniciou unha longa campaña do movemento feminista polo dereito ao aborto.

Dimos pasos moi ousados nos que desafiabamos aberta e descaradamente a legalidade vixente, nunha campaña sostida ao longo de varios anos: dicindo que dabamos enderezos e información para abortar, autoinculpándonos de ter abortado, ou ter colaborado na realización de abortos, ou mesmo por realizalos. como xeito de loita, para poñer entre a espada e a parede ao poder xudicial e ao poder executivo.

Non se atreveron a xulgarnos (aínda que se abriron dilixencias a 8 militantes feministas que afirmaron a autoría material dun aborto practicado na cidade de Vigo e que así o testemuñaron diante do xuíz que as chamou a declarar no mes de setembro do ano 86).
Hoxe, tantos anos despois, as actuacións xudiciais que levaron á garda civil a entrar na casa das mulleres para citalas a declarar por ter abortado, ten xerado unha situación de indignación que nos retrotrae a épocas pasadas.

Ante todo queremos manifestar o noso total apoio e solidariedade con estas mulleres.
A persecución que sufriron é un ataque a todas e unha ameaza ao dereito de decidir, polo que desde a Marcha Mundial das Mulleres iniciamos unha campaña de autoinculpacións que entregaremos no xulgado o 8 de marzo.

ESIXIMOS AO GOBERNO E AOS PARTIDOS POLÍTICOS UN COMPROMISO CLARO E DECIDIDO PARA MODIFICAR A ACTUAL DESPENALIZACIÓN PARCIAL DO ABORTO, ACABANDO COA INSEGURIDADE XURÍDICA QUE XENERA.

ESIXIMOS QUE A NOVA NORMATIVA GARANTA E RESPECTE O DEREITO DAS MULLERES A INTERRUMPIR VOLUNTARIAMENTE O SEU EMBARAZO, ASEGURANDO QUE ESTAS INTERRUPCIÓNS SE FAGAN DE FORMA NORMALIZADA NA REDE SANITARIA PÚBLICA:

ABORTO LIBRE E GRATUITO NA SANIDADE PÚBLICA
_____________

A Marcha Mundial das Mulleres convoca concentracións polo dereito ao aborto.

2008-01-19T23:24:00.000+01:00

Diante das agresións e vulneracións de dereitos que veñen sucedendose nas últimas semanas, e que están afectando tanto a mulleres que interrumpiron o embarazo, como ao persoal que traballa nas clínicas onde se realiza a IVE, o próximo mércores 23 de xaneiro às 20hs a Marcha Mundial das Mulleres convoca concentracións en varias cidades do país:

* LUGO Praza do Concello
* VIGO diante do MARCO
* CORUÑA no Obelisco
* COMPOSTELA no Toural
* FERROL diante do Edificio da Xunta
* PONTEVEDRA na Praza 8 de Marzo

A Coordenadora Nacional reunida o sábado 19 decideu comezar unha campaña de recollida de autoinculpacións que se presentarán nos xulgados o próximo 8 de Marzo, coincidindo co Dia Internacional das Mulleres.

ABORTO LIBRE E GRATUITO NA SANIDADE PÚBLICA XA!!!

A cobertura informativa sobre o crime de Cambados

2007-12-24T12:19:00.000+01:00

Comunicado do Colexio Profesional de Xornalistas
de Galicia-Observatorio Galego dos Medios

A raíz da cobertura que os medios de comunicación fixeron do crime perpetrado por un garda civil que matou dun disparo á súa ex noiva no interior do cuartel de Cambados, o Observatorio Galego dos Medios do Colexio Profesional de Xornalistas de Galicia, reitera o deber que teñen os xornalistas de observaren as normas éticas e profesionais ás que os obriga a súa condición de mediadores entre os feitos e a sociedade. É ao que responden as recomendacións que de maneira consensuada foron recollidas no seu día (16 de outubro de 2004) na “Declaración de Compostela”, algunhas das cales foron incumpridas neste caso. Ao respecto, o Observatorio quere subliñar eses incumprimentos:

1.- Algúns dos medios que cubriron ese execrable crime incluíron a información na sección de Sucesos, e no seu defecto, en páxinas ou bloques informativos habitual e rutinariamente destinadas a crimes e delitos diversos. Desta maneira, restáronlle a ese acto de violencia contra a muller que acudira precisamente ao cuartel para denunciar ao seu agresor a súa dimensión social, ou mellor, a súa identificación como problema social que é. Da mesma maneira que nos atentados terroristas queda claro que o asasinato non é un crime máis, senón que está incardinado nun contexto político e que quen mata está ligado a unha determinada ideoloxía, debe quedar tamén claro que os asasinatos de mulleres –ou no seu caso, as agresións que elas sufriran- a mans de homes polo simple feito de seren mulleres, beben da ideoloxía patriarcal e han ser presentados nos medios de comunicación incardinados no contexto da violencia de xénero. Porque se trata da mesma ideoloxía da que beben as desigualdades entre mulleres e homes que se manteñen na vida cotiá, a mesma que actúa como motor da violencia de xénero. Neste caso concreto, a posición de dominio que asumiu o agresor: ou miña ou de ninguén.

2.- Así mesmo, a maior parte dos medios esforzáronse por explicar o comportamento criminal do home en base aos efectos do alcohol, da depresión ou do seu carácter agresivo. Agora ben, o estado de suposta embriaguez non lle impediu moverse con precisión no escenario do crime, nin tampouco matar á que fora a súa noiva dun tiro certeiro. Priorizando esas circunstancias sobre o acto criminal en si, algúns medios contribuíron a atenuar a brutalidade e a culpabilidade do agresor. Este tipo de actos deben explicarse atendendo á súa última causa, nunca priorizando as circunstancias colaterais no relato xornalístico.

3.- Aínda que a vítima non teña xa a posibilidade de defenderse, como é o caso, segue íntegro o seu dereito á intimidade. A práctica totalidade dos medios que cubriron este crime non só claudicaron nisto, senón que como consecuencia diso incumpriron tamén o deber que teñen de respectar o dereito ao anonimato dos familiares da vítima.

4.- Nos relatos xornalísticos publicados ou editados non se esforzaron os seus autores en dar conta, como se vén recomendando e mesmo como se ten consensuado ultimamente entre responsables de igualdade nos gobernos e representantes de medios, daquela información –datos, recursos, entidades de apoio e asesoramento- que ha ser útil para que outras mulleres que se sinten ameazadas e acosadas, como o estaba esta muller de Cambados, saiban a que aterse, e non acaben sendo vítimas mortais de homes violentos. E tamén porque é como se as pode animar desde os medios, para que casos tan graves de violencia de xénero non acaben producindo nas que estean sufrindo a mesma situación un efecto disuasorio, buscando pola contra a maneira de saíren da espiral de violencia na que estiveran atrapadas.

5.- É preciso insistir en identificar a violencia contra as mulleres como unha violación dos dereitos humanos. Os medios de comunicación non acostuman identificar como tal a violencia de xénero, nin adoitan cualificala como unha violencia estrutural, a non ser que recollan as verbas dalgunha fonte que así o faga.

6.- Nas informacións sobre este crime vertéronse algunhas contradicións, derivadas da maneira en que utilizaron as versións das fontes, e nesa medida os medios que as trasladaron provocaron confusión nos seus receptores. É necesario que medios e xornalistas validen a fiabilidade e a credibilidade da información que lles cedan as fontes, sobre todo tratándose de fontes oficiais (policiais, gobernamentais…) e de fontes espontáneas e testemuñais (veciños/as, compañeiros/as…), antes de integrala nos relatos definitivos –escritos ou audiovisuais-. Da iniciativa propia e da dilixencia na investigación que leve a cabo o xornalista hase derivar un tratamento e uns contidos que respondan ao seu compromiso coa verdade e á solidariedade coa vítima. A utilización de fontes que ademais de plurais en número sexan cualitativamente diversas, e de fontes expertas ou con coñecementos no ámbito da violencia de xénero (practicamente ausentes nas informacións sobre o crime de Cambados), garante en boa medida eses compromisos profesionais e esa dilixencia. Do contrario, pode ocurrir e de feito ocurre que nas informacións deste tipo se perpetúen os prexuizos e estereotipos tradicionais, culpabilizando á vítima, ou como fixo algún medio no tratamento que lle deu a este crime, xustificando ao agresor ao aducir por boca de fontes espontáneas que se trata dun bo home que simplemente tivo un mal momento.

http://www.xornalistas.com/

Palabras de Loreto Primo na concentración convocada pola MMM de Trasancos polo asesinato de Mariluz Posse

2007-12-18T00:29:00.001+01:00

Jaime Máiz Sanmartín, de 34 anos de idade, garda civil, natural de Ferrol.

Hoxe queríamos comenzar cun nome como case sempre nestas concentracións. Pero esta vez como vedes é diferente, non é o nome dun presunto asasiño, é o nome do asasiño dunha muller que tamén tiña un nome: Mari Luz Posse.
Sempre escoitamos os nomes das mulleres asasiñadas, xa vai sendo hora de escoitar o nome dos asasiños.
Por qué morreu Mari Luz Posse? Polo mesmo que morreron outras 5 mulleres na Galiza e 70 no resto do Estado.

As estatísticas engrósanse con cifras de mulleres maltratadas e asasiñadas que o único que querían era facerse escoitar, que querían escapar dunha situación insostible e que denunciaron.Todo esto sucede e seguirá sucedendo, mentres a sociedade da que todas e todos formamos parte o consintamos.Mentres una parte desta sociedade xustifiquemos, disculpemos o simplemente ignoremos o que está a pasar ó noso arredor tódolos días, seguirá pasando.Mentres non sexamos quen de denunciar e de sinalar ós maltratadores e asasiños de mulleres.Mentres algúns homes sigan pensando que as suas compañeiras son da sua propiedade e non lles demostremos que están completamente errados.Mentres os maltratadores e asasiños se sigan acubillando e pensando que son impunes no seo familiar, e os que o vemos dende fora non o denunciemos.Mentres non sexamos capaces de facer mudar esta sociedade todavía no século XXI extremadamente machista en tódolos seus eidos, non rematarán estas cifras terribles.

Non nos podemos conformar con que os políticos fagan leis, leis sempre benvidas, e por desgracia sempre con medios insuficientes para facelas cumplir.Non nos podemos conformar con que nas escolas intenten ensinar ós nosos nenos e nenas en igualdade. Ainda sendo esto básico, se non o ven reflexado no seu arredor, non servirá.Estámonos a facer un fraco favor se pensamos que esto non se pode cambiar. Si que podemos, podemos rematar coa violencia machista cada quen dende a sua responsabilidade.

É por todo isto que vos convocamos hoxe aquí a Marcha Mundial das Mulleres.

-porque queremos mudar unha situación insostible para nós

-porque queremos por fin, ser nós mesmas

-porque queremos que se nos vexa e se nos escoite

A pesares do loito e do moi triste que o é o día de hoxe, tamén queremos que sexa un dia con esperanza. Conseguiremos entre todas mudar esta situación, porque é os noso dereito a existir como mulleres, porque é a nosa propia vida a que está en xogo.Porque nós, non non resignaremos, porque nós, non nos renderemos. Porque estaremos aquí xuntas para revelarnos cada vez que haxa que facelo. Porque estar aquí forma parte da nosa responsabilidade.

Non o dubidedes nin por un segundo que esta é unha loita gañada.Grazas a todas e todos por estar aquí neste dia tan triste.

Comunicado de condena polo asesinato de Mariluz Posse de Homes Galegos pola Igualdade

2007-12-18T00:23:00.000+01:00

Homes Galegos pola Igualdade condea públicamente o acto de violencia machista que se produxo este domingo 16 de decembro de 2007 en Cambados (Pontevedra), onde un Guardia Civil acabou coa vida da súa ex compañeira sentimental.

Representantes da asociación de Homes Galegos pola Igualdade, gardarán un minuto de silencio nos seus respectivos postos de traballo para condenar este suceso e mostrar a súa solidaridade cos familiares da vítima.

Un saúdo, atentamente,

Asociación de Homes Galegos pola Igualdade
Teléfonos: 609276501; 661181725; 661582721
Correo Electrónico: info@homesgalegospolaigualdade.org
Web: www.homesgalegospolaigualdade.org

Marchan mais de 3000 mulleres na fronteira Colombia-Ecuador

2007-12-04T00:03:00.000+01:00

MOVEMENTO DE MULLERES CONTRA A GUERRA
MOVILIZACION BINACIONAL DE MULLERES NA FRONTEIRA COLOMBIA-ECUADOR

O 23 de novembro do ano en curso marcharon máis de tres mil mulleres de diversas organizacións sociais e populares, na fronteira Colombia-Ecuador polas seguintes razóns:

Perto de 250 mil colombian@s, na súa maioría mulleres, buscaron refuxio en Ecuador fuxindo da intensificación do conflito social e armado que vive Colombia e a militarización da fronteira. As violencias contra as mulleres, e en particular a violencia sexual continúa sendo unha práctica recorrente por parte de todos os actores armados. Rexeitamos a discriminación e subordinación que vivimos as mulleres e reivindicamos e esiximos unha vida autónoma e digna.

A marcha saíu de Bogotá o mércores 21 de novembro ás 9 p.m. A primeira parada foi en Popayán, onde fixeron unha marcha pola cidade, alí mobilizáronse unhas mil mulleres denunciando os feminicidios, as violencias contra as mulleres, contra a guerra, e en xeral contra toda a situación de persecución e odio cara ás mulleres que esta sociedade esta expresando cada vez máis con accións demenciais contra todas.

A seguinte parada foi en Pasto onde foron recibidas polo Gobernador Antonio Navarro Wolf, realizouse un evento político-cultural onde falaron as mulleres das organizacións presentes no evento, denunciando unha vez máis a situación de violencia que vivimos as mulleres en Colombia.

O 23 de novembro chegamos a Ipiales, fíxose unha homenaxe na Praza Principal ás mulleres presentes e ás ausentes, logo saíuse en caravana cara á Ponte de Rumichaca onde se reuniron con mulleres de Ecuador de diversas organizacións populares e sociais do país irmán.

No consulado de Colombia na fronteira realizouse un evento político-cultural onde participaron indíxenas kofanes de Sucumbios, os guambianos colombianos e ecuatorianos, cos seus respectivos gobernadores e sabios das tribos, quen realizaron un ritual de procura da paz en Colombia.

O domingo 25 de novembro realizamos unha sentada na sétima con 26, en conmemoración do día da non violencia contra a muller, e fundamentalmente para denunciar os últimos feitos que veñen sucedendo en Colombia de asasinatos contra mulleres en Medellín e Cali, onde morreron mais de cen, en circunstancias que as autoridades non queren esclarecer, nin facer xustiza.

Todas estas actividades realizáronse no marco da NON VIOLENCIA CONTRA A MULLER que todos os anos conmemoramos, denunciamos e esiximos que as vidas das mulleres e as nenas debe protexerse, porque todo atentado contra as mulleres son delitos de lesa humanidade.

MARCHA MUNDIAL DAS MULLERES-COLOMBIA
MESA MULLERES E ECONOMÍA
+info Ruta Pacifica

Así foi o 25N2007 da Marcha Mundial das Mulleres na Galiza

2007-11-29T19:14:00.000+01:00

25N2007, Día Internacional da Loita Contra a Violencia de Xenero, na Galiza

“PODEMOS ACABAR COA VIOLENCIA MACHISTA, CADA QUEN DESDE A SÚA RESPONSABILIDADE”

Un ano máis a Marcha Mundial das Mulleres, convocou en toda Galiza actos e mobilizacións para manifestar a nosa repulsa contra a violencia machista. As nosas mobilizacións están en consonancia coas celebradas en cidades e vilas de todo o Planeta. A rede internacional da Marcha emiteu unha Declaración desde a súa Secretaria Internacional convidando a mobilizar-nos nesta Xornada internacional de loita contra a violencia cara ás mulleres. Cinco Coordenadoras Locais xunto coa Coordenadora Nacional Galega,convocaron entre outros actos cinco concentracións [A Coruña, Compostela, Costa da Morte, Ferrol Terra e Pontevedra] e unha manifestación en Vigo.

Editaron-se miles follas informativas que se repartiron por todos os recunchos da Nosa Terra, cun Manifesto redactado en consenso desde a Coordenadora Nacional Galega, no que, ademais de analizar a situación actual e as necesidades desta loita, nomeamos, un por un, todos aqueles sectores que comparten a responsabilidade para rematar coa secuela da violencia machista: organizacións políticas, medios de comunicación, sindicatos, comunidade educativa, movementos asociativos, persoas crentes, homes e mulleres…

A través do campaña “PODEMOS ACABAR COA VIOLENCIA MACHISTA, CADA QUEN DESDE A SÚA RESPONSABILIDADE”, convidamos a todos os colectivos e sectores sociais a loitar para rematar con este tipo de violencia. Cremos que todas as persoas que queren unha sociedade máis xusta e democrática deben asumir a súa responsabilidade nesta tarefa.

Por isto, sumámonos, unha vez máis, as iniciativas europeas da Marcha Mundial das Mulleres e sacamos á rúa uns brazaletes como símbolo de duelo por cada unha das vítimas, coa finalidade de conseguir que o maior número de persoas fagamos un xesto para visibilizar o noso rexeitamento á violencia machista.

Para os brazaletes, que se repartiron en todas as mobilizacións, empregamos as cores de loito: negro, branco e violeta e dúas frases que reflicten con rotundidade a nosa posición ante este tipo de violencia:

“Podemos acabar coa violencia machista”
“Eu non son cómplice da violencia machista”

O brazalete, vai acompañado dunhas pequenas instrucción de interese, pois podemos utiliza-lo:

Cada 25 de novembro, Día Internacional de Loita contra a Violencia de Xénero.
Cada vez que participemos nunha concentración de repulsa contra a violencia machista.
As veces que consideremos necesario mostrar o noso rexeitamento da violencia machista, no noso posto de traballo, no noso lugar de lecer, no noso ámbito familiar...

Na maioría das mobilizacións apresentaou-se a Campaña "PODEMOS ACABAR COA VIOLENCIA MACHISTA, CADA QUEN DESDE A SÚA RESPONSABILIDADE":

Cunha representación artística a través da lectura do manifesto nacional galego, combinando música e plástica, para realizar un simbolismo sobre o que a Marcha Mundial das Mulleres quere expresar neste 25 de novembro: a necesidade da unidade de todos os sectores que aspiran a transformar esta sociedade para converti-la nunha sociedade inspirada nos valores de igualdade.

Perante os quince dias anteriores mulleres da Marcha Galega, participaron en diferentes xornadas, encontros, roldas de prensa, entrevistas radiofónicas e outras actividades por diferentes vilas e cidades da Galiza, mesmo a Marcha Mundial das Mulleres na Galiza, recibeu o Premio "Eu Tamén navegar", que concede a Xunta de Galiza [Goberno da Comunidade Autónoma], que é un recoñecemento polo noso traballo desenvolvido a prol dos dereitos das mulleres.

Enlaces das Actividades da Marcha deste 25N2007

Enlaces cos manifestos e Declaracións:

A Coruña no 27N2007

2007-11-29T01:19:00.000+01:00

Concentración na Praza do Obelisco

Crónica

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional

__________________

O 25 de novembro de 2007 en Vigo

2007-11-29T01:13:00.000+01:00

Máis de 1000 persoas manifestaron-se, polas rúa de Vigo, este 25 de novembro, convocadas pola Marcha Mundial das Mulleres, co motivo do Día Internacional Contra a Violencia de Xénero, para pedir "o fin da violencia machista" e para esixir implicación da sociedade e das institucións para terminar coa "secuela da violencia de xénero".

[Foto de Tony de Lis]

A manifestación saía da Rúa Urzáiz pasadas as 12 do mediodía, a abria unha faixa que puñas: "Podemos acabar coa violencia machista, cada cal desde a súa responsabilidade". Muitas persoas congregadas lucían brazaletes con este mesmo lema, no caso das mulleres, e coa frase "Eu non son cómplice.." no caso dos homes.

Entre os participantes estaba a secretaria xeral de Igualdade, Carme Adán, de colectivos de mulleres como Alecrín, a Rede Veciñal de Mulleres contra os Malos Tratos e a Federación veciñal.

O Museo de Arte Contemporánea de Vigo, onde están colocadas 69 siluetas femininas de cartón que simbolizan ás vítimas da violencia de xénero no que vai de 2007, foi onde rematou a manifestación.

Estas siluetas, do mesmo xeito que as persoas que participaron no evento, foron rodeadas por cintas de tea que representan "a telaraña da sociedade patriarcal" e que, foron finalmente cortadas "coas tesoiras simbólicas do feminismo".

Rematou o acto coa leitura do manifesto no que se fixo un chamamento á responsabilidade colectiva para acabar coa violencia machista.

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional
______________

25N2007 Buserana, na Costa da Morte

2007-11-29T00:13:00.000+01:00

comunicado DE BUSERANA PARA O 25 N. 2007

Benvidas e benvidos a este acto pola non violencia contra as mulleres. Reunímonos este 25 de novembro baixo o lema Podemos acabar coa violencia machista, cadaquén dende a súa responsabilidade. Podemos??

A maior parte de nós, ao non usarmos a violencia física nas nosas relacións habituais, estamos convencidas e convencidos de non sermos sexistas, de non ter nada que ver coa violencia que sofren esas mulleres que con demasiada frecuencia saen nos xornais, pasando a engrosar unha estadística negra. Mais unha cousa é non querer ser sexista, e outra ter comportamentos e pensamentos que, interiorizados hai tempo, hoxe son inconscientes e convírtennos en cómplices involuntarias e involuntarios dese machismo que mata. Porque a violencia sobre as mulleres xorde dunha sociedade patriarcal, e todos e cada un dos matices que así a conforman, axudan a manter tamén esta lacra.

Aí radica a importancia do que cadaquén pode facer. É fundamental a vontade de facer visíbeis e de rexeitar todos aqueles feitos e ditos “normais” que perpetúan o machismo na nosa sociedade. Todos os días. En cada lugar. En calquera situación. Con calquera que esteamos. Sempre.

Podemos, claro está, non agredir fisicamente a ninguén. Mais tampouco agredamos verbalmente. Agrede quen insulta, quen critica a roupa dunha rapaza ou muller porque parece unha puta, o que nos extremos leva a xustificar unha violación pola provocación que ela supuña, ou unha malleira na casa porque non me gusta como vas. Agrede tamén quen cala ante esas críticas, pois cando permitimos un comportamento facémonos cómplices por omisión.

Podemos deixar de rir os chistes machistas, e pedir a quen os conte unha actitude de respecto. Podemos non ver os programas que fan do machismo un humor que denigra as mulleres e perpetúa o sexismo base da violencia.

Podemos non entrar nas conversas sexistas, que consideran as mulleres simples obxectos: descalificándonos cando non gustamos fisicamente, tratándonos coma un floreiro inútil cando si.

Podemos deixar de supoñer actitudes e aptitudes, ou a falta delas, das mulleres, mozas e nenas polo feito de selo.

Podemos educar na igualdade real: a facer os mesmos traballos, a vestir como elixamos, a tomar as propias decisións, a querer a quen queiramos, e a deixar de querer cando así o sintamos.

Podemos falar tamén en feminino. A linguaxe é masculina porque foi regulamentada por homes para un mundo patriarcal; o masculino inclúe o feminino no mundo no que as mulleres están sometidas aos homes. Non queremos ese mundo. Porque aquilo do que non se fala, non existe, falemos en feminino, xa que só facéndonos visíbeis haberá igualdade real.

Podemos apoiar as mulleres maltratadas sen esquecer nunca que ela é a víctima. Nada, nunca, xustifica a violencia. Este ano tivemos o horror moi preto de aquí, neste mesmo concello. E escoitamos máis lamentos polo que lle pasaría ao pobre do home, tivo que ser un momento de tolemia, que pola muller asasinada, que a saber que faría. E podemos chamar as cousas polo seu nome: esta muller, como tantas outras, non morreu, señoras e señores; foi asasinada.

Podemos aillar os maltratadores, e transmitir, cada vez que unha muller é asasinada, golpeada, controlada ou insultada, que esta sociedade non os admite. E debemos rexeitalos en voz alta e clara, publicamente, por boas cualidades que na vida pública se lle puidesen ter apreciado. É absolutamente incompatibel ser boa persoa con agredir a outra. Os lobos, inda con pel de ovella, deben ser tratados como tal.

Podemos, mulleres, mozas e nenas, aprender a querernos a nós mesmas, e saber dende o berce que a responsabilidade de governar as nosas vidas é nosa. Fronte ao que a sociedade viña ensinando, hoxe debemos saber que non o hai violencia xustificada, que non merecemos o maltrato, que non é xusto nen normal, que non é culpa nosa, que non hai por que aguantar, que un maltratador non cambia, que o problema teno el. Debemos sabelo e facelo saber. Ignoralo levou á morte este ano a 69 mulleres. E cando topemos con quen cre o contrario, denunciémolo e rexeitémolo sen contemplacións.

Cada unha e cada un de nós pode e debe, dende a súa responsabilidade persoal, profesional e familiar, construír a sociedade igualitaria e pacífica que desexamos. Sociedade na que ningunha muller sexa asasinada por selo, na que ningunha muller sufra no silencio da súa privacidade golpes, insultos, humillacións e control, na que ningunha nena aprenda que as relacións violentas e de dominio son as normais. Cambiemos os pequenos detalles que transmiten e interiorizan o machismo, e cada vez que o fagamos estaremos contribuíndo a erradicar o maltrato. Nós xa o facemos. Ti tamén podes. Xuntas e xuntos, PODEMOS.

Cee, 25 novembro 2007

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional
______________

Ferrol Terra 25N2007

2007-11-28T00:04:00.000+01:00

Galería Fotográfica da concentración que tivo lugar na Praza de Galiza de Narón, ás 12 do mediodía [Entrar].

Crónica da Xornada.

Enlace coa Galería Fotográfica da Concentración do 25N2007 en Ferrol Terra

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional
_____________

Concentración do 25N2007 en Compostela

2007-11-27T23:47:00.000+01:00

Concentración en Compostela co motivo do Día Internacional Contra a Violencia de Xenero, convocada pola Marcha Mundial das Mulleres

Enlace coa Galería Fotográfica da Concentración do 25N2007 en Compostela

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional

___________

Concentración do 25 de Novembro en Pontevedra

2007-11-27T17:45:00.000+01:00

Concentración do 25 de Novembro en Pontevedra

Convocamos concentración para as 12 da mañá, na concentración máis de unha ducia de mulleres lemos poemas que falan de mulleres, que denuncian situacións de violencia, que expresan a raiba, o medo, a desesperación.... Estivemos na "Praza 8 de marzo. Día das mulleres" dende as 10 da mañá, a xente que pasaba achegábase a nos, ou nós íamos xunto dela para convidala a participar na realización do mural colectivo contra a violencia de xénero, para lembrar e reivindicar ás mulleres e nenas asasinadas, para poñer o brazalete, en fin para comprometerse.

Enlace coa Galería Fotográfica da Concentración do 25N2007 en Pontevedra

Enlace co Comunicado do 25N2007 da Marcha da Galiza

Enlace co Comunicado do 25N2007 da Marcha Internacional
______________________

Palabras de Anxela Lagoa agradecendo o premio "Eu tamén navegar"

2007-11-25T22:36:00.002+01:00

"A Marcha Mundial das Mulleres, agradece sinceiramente este recoñecemento por todo o que significa. Para nós, as mulleres da Marcha que participamos a título individual ou que representamos tamén a outras organizacións recibimos con moita ilusión e responsabilidade este recoñecemento polo noso traballo desenvolvido a prol dos dereitos das mulleres.

O valoramos moi positivamente porque cremos que detrás del, está o valor que as mulleres galegas lle están a dar ao esforzo colectivo das mulleres que participamos na Marcha.

Ademais cremos que as persoas que forman o xurado deste premio “Eu tamén navegar” consideran que ás accións, os obxectivos e os camiños que a MMM percorre están a axudar ás mulleres e axudando á sociedade en xeral, para que nela rixan os principios da Marcha; a xustiza, a paz, a solidariedade, a igualdade e a liberdade.

O movemento feminista da Marcha, pretende erradicar a violencia de xénero, non só visibilizando esta problemática social tan grave e con tantas formas, senón facendo cambios, transformacións. A violencia machista é un problema que só lle afecta ás mulleres, pero somos todas e todos, persoas, colectivos, institucións..., as que modificando as estructuras patriarcais, cada quen dende a súa responsabilidade, podemos poñer fin a esta violencia que ten as súas causas no machismo ou sexismo, no patriarcado ensinado que pretende controlar, dominar e subordinar ás mulleres, para lograr a súa obediencia e disponibilidade.

Por iso a Marcha, aínda que considera esencial que se leve a cabo unha atención integral e efectiva, das mulleres víctimas de violencia, o que pretende e destarrar as causas da violencia, construír outro mundo posible, onde as mulleres aprendamos a empoderarnos, para que o noso punto de vista conciliador, negociador, o noso liderazgo ¿entrañable?, como dí Marcela Lagarde, se instaure nunha democracia real e os homes rechacen o modelo masculino patriarcal e deixen de ser cómplices dos maltratadores e asasinos de mulleres. A sociedade, temos que decirlles que están sós, illados, que non teñen cabida no mundo que queremos vivir, que son culpables e merecedores de castigo. E ás mulleres sobre as que exercen violencia dicirlles, non estades soas, non sodes culpables senón que sodes merecedoras de respecto, de autonomía e de independencia, de amor, de solidariedade, de xustiza, merecedoras de sorrisos, bicos e apertas.

E hoxe, se nos brinda a oportunidade de facer un chamamento a todas as mulleres, que dalgunha maneira son partícipes neste recoñecemento, para que apoien a loita feminista, para que entre todas marchemos polos camiños da igualdade e logremos facer cambios que consigan mellorar a calidade de vida das mulleres e dos homes, para facer desaparecer a pobreza e a violencia deste mundo.

A MMM, para mín, representa, esa maneira de facer e de ver as cousas que temos as mulleres, que aínda sendo tan diferentes e vivindo en distintos lugares, sabemos unir, entrelazar forzas, crear amizade e compañeirismo. Para mín e creo que para todas as mulleres que estamos e estarán na Marcha, o feminismo fainos reflexionar, danos ansias e gañas, danos optimismo e forza, danos seguridade. A min, particularmente, faime sentir moito mellor persoa e logra que entenda e respete, que entenda a importancia das reivindicacións e da solidariedade internacional entre mulleres. Por iso, debo e teño que dicirlles as mulleres e organizacións de mulleres que se acheguen ao feminismo da Marcha, que se unan aos valores do feminismo, que a Marcha tamén é delas e así todas xuntas, encherémonos de orgullo sabendo que estamos participando en lograr cambios, para que as mulleres teñan de verdade dereito a unha vida libre de violencia. Grazas. "

Comunicados 10,11 e 12. Mobilización Binacional de mulleres á Fronteira Colombia - Ecuador

2007-11-24T11:10:00.000+01:00

Comunicados 10,11 e 12. Mobilización Binacional de mulleres á Fronteira Colombia - Ecuador

Estimadas amigas,
Recibimos esta mensaxe e estámola reenviando.
Maria

Estimadas amigas e amigos,

Envíolles os Comunicados de Prensa Non. 10,11 e 12 da Mobilización Binacional de Mulleres á Fronteira Colombia - Ecuador; para que por favor nos axuden coa difusión do mesmo.

Un abrazo e estamos en contacto.

Shima Pardo
Comunicadora
Ruta Pacífica de las Mujeres

Comunicado 10 - As mulleres percorremos as vías de Colombia e Ecuador para atoparnos na Fronteira-

Comunicado 11 - Cada vez máis perto da fronteira Colombia - Ecuador. Somos mulleres e o simbólico represéntanos -

Comunicado 12 - Amigas do mundo acompáñannos na mobilización. Solidariedade internacional coas mulleres ecuatorianas e colombianas -

“Mujeres de la frontera Unidas por la Paz”
http://www.rutapacifica.org.co
____

INFO@MARCHEMONDIALE.ORG
mminfo@marchemondiale.org
22 de novembro de 2007 17:31
Maria Curione
mariac@marchemondiale.org
________________

Marche Mondiale des Femmes contre les Violences et la Pauvreté
C/O SUD PTT 25/27 rue des Envierges 75020 Paris
Téléphone : 01 44 62 12 04 ; Fax : 01 44 62 12 34 ;
Site : www.marchemondiale.org
________________

Declaración Internacional da Marcha Mundial das Mulleres con motivo do 25N2007

2007-11-24T09:13:00.000+01:00

25 de novembro de 2007
Xornada internacional de loita
contra a violencia cara ás mulleres
Declaración da Marcha Mundial das Mulleres

Na Carta Mundial das Mulleres para a Humanidade, nós militantes da Marcha Mundial das Mulleres, reafirmámonos no compromiso do mundo que estamos construíndo: Un mundo onde "todos os seres humanos vivan libres de toda violencia. Onde ningún ser humano perténzalle a outro. Onde ningunha persoa poida ser esclavizada, forzada ao casamento, deba realizar traballo forzoso, sexa obxecto de trafico ou de explotación sexual."

O 25 de novembro de 2007 "xornada internacional de loita contra a violencia cara ás mulleres" mobilizámonos no mundo enteiro para reafirmar a liberdade, a paz, a xustiza, a solidariedade, a igualdade: os valores da Carta.

Condenamos o patriarcado, sistema milenario de desigualdades, explotación, privilexios, discriminacións, valores, normas, políticas, polo que a autoridade e o poder recae nos homes e no masculino, baseado na premisa dunha suposta inferioridade natural das mulleres en tanto que seres humanos, que leva a unha estratificación na cal as mulleres ocupan un papel inferior, un sistema que xera violencias.

Condenamos o machismo, que nega o dereito á autonomía corporal, sexual e reprodutiva, á felicidade e o pracer das mulleres, usando a violencia sexual, afectando a nosa capacidade de goce, desexo e exercicio de todos os dereitos. O machismo reduce ás mulleres a obxectos sexuais e condena ás lesbianas e promove o sexismo, a prostitución, a trata de mulleres e nenas, a violencia contra as mulleres e crianzas.

Condenamos o racismo nos nosos países, que xunto coa opresión de clase e xénero, convértense nunha trenza de dominación que condena ás mulleres campesiñas, indíxenas, inmigrantes e afrodescendientes ás peores condicións de vida.

Condenamos a globalización capitalista neoliberal que converte os nosos corpos e sexualidade en mercancía e que se apoia sobre a división sexual do traballo entre homes e mulleres, terra fértil para aínda máis violencias. Queremos pór fin ás violencias!

Este día é unha homenaxe ás tres irmás Mirabal, asasinadas por orde do ditador Trujillo na República Dominicana o 25 de novembro de 1960.

Aínda existen Estados autoritarios que utilizan a violencia contra mulleres protagonistas de movementos de mulleres e sociais. Só na última semana recibimos chamados para solidarizarnos con mulleres reprimidas en Burma, Colombia, Guinea, Irán e Paquistán[1].

[1] Para ler sobre estes chamados de solidariedade, vexase http://www.marchadelasmujeres.org e para máis informacións sobre a situación actual da Lei Marcial en Paquistán, vexase http://pakistan-wmw.blogspot.com
________________

Comité Internacional da MMM - MMF - WMW:
Miriam Nobre (Secretariado Internacional), Nana Aicha Cisséy Wilhelmina Trout (África, JingYnares e Saleha Athar (Ásia), Farida el Nakash (Médio Oriente), Rosa Guillén e Gladys Alfaro (Américas), Celina dos Santos e Nadia de Mond (Europa).

Secretariado Internacional - MMM - MMF - WMW
Rua Ministro Costa e Silva, nº 36 Pinheiros
São Paulo - SP - Brasil
Cep: 05417-080

Tel e fax: 55 11 3819-3876
e-mail: info@marchemondiale.org
site : www.marchemondiale.org
___________________

O CPXG e o OM organizan este sábado 24 de novembro de 2007 a xuntanza "O papel dos medios na información de xénero"

2007-11-24T08:20:00.000+01:00

DENTRO DA PROGRAMACIÓN DAS VI XORNADAS LOCAIS SOBRE VIOLENCIA DE XÉNERO DO CONCELLO DE LUGO

O CPXG e o OM organizan este sábado a xuntanza 'O papel dos medios na información de xénero’

O decano do Colexio Profesional de Xornalistas de Galicia (CPXG) Xosé Manuel Vega Gómez e a Concelleira de Muller e Benestar Social de Lugo Carmen Basadre inauguran este sábado 24 de novembro ás 9:30 da mañá a xuntanza O papel dos medios na información de xénero, organizada polo CPXG e o Observatorio Galego dos Medios (OM) no Centro Sociocultural Uxío Novoneyra. Esta xustanza, inserida nas VI Xornadas Locais sobre Violencia de Xénero organizadas polo Concello de Lugo e a Casa da Muller, vai contar coa participación de xornalistas, investigadoras, avogadas e integrantes das asociacións de mulleres, a fin de ofrecer todas as perspectivas posíbeis sobre esta información.

A xuntanza vai continuar ás 10:00 horas da mañá coa conferencia de Marisa Soleto Ávila (directora da Fundación Mujeres) sobre a posición das organizacións de mulleres en relación coa igualdade nos medios, que vai ser presentada por Belén Puñal, xornalista especializada en comunicación de xénero. A continuación vai ser desenvolvida unha mesa redonda sobre o tratamento da información relacionada coa violencia machista, coa presenza de Luisa Costas (La Opinión de A Coruña), Cristina Caruncho Michinel (Universidade de Vigo) e Belén Regueiro (Casa da Muller do Concello de Lugo) e a moderación de Juan Carlos Rodríguez (Cadena Ser).

O treito da tarde vai comezar ás 16:30 horas e constará de dúas mesas redondas, unha dedicada ao pacto de autorregulamento, con Silvia Pérez Freire (Alecrín), Ana Sanmartín (CRTVG) e María Luísa Pasín (avogada), e outra orientada a buscar solucións para mellorar a función socializadora dos medios, na que participarán María Solar (CRTVG), Carmen Blanco (USC) e Lupe Cês (Marcha Mundial das Mulleres). As mesas van ser moderadas, respectivamente, por Begoña Fontenla e Lourdes Abuide, ambas as dúas xornalistas da CRTVG e de Onda Cero, respectivamente. A xornada, finalmente, vai ser clausurada ás 20:00 horas do serán.

As persoas interesadas poden inscribirse nos teléfonos 981935670 e 981936709 ou enviando un correo electrónico aos enderezos xornalistas@xornalistas.com ou observatorio@xornalistas.com.
________________________

Observatorio dos Medios
http://observatoriodosmedios.org/
observatorio@xornalistas.com
23 de novembro de 2007 10:12
_________________

25 de Novembro MNG: Luitadoras. O género da memoria

2007-11-23T14:11:00.000+01:00

25 de Novembro MNG

Luitadoras. O género da memoria

Com motivo da celebraçom do Dia contra a Violência de Género Mulheres Nacionalistas Galegas apressentam o 24 de Novembro às 18:30 na Fundación Granell em Santiago de Compostela, a sua última publicaçom “Luitadoras. O género da memória.”

Esta publicaçom pretende render umha homenagem a todas as mulheres comprometidas com os valores que representava a Republica e que foram perseguidas, torturadas, encarceradas, violadas, fuziladas ou exiladas.

Através da recuperaçom da nossa história desde umha perspectiva de género trata-mos de visibilizar e reivindicar um reconhecimento social para essas mulheres que trataram sempre de defender unha sociedade más igualitária

Mulheres Nacionalistas Galegas
Galiza - 22- 11-2007
Sociedade laica.
Polo nosso direito a decidir
www.feminismo.org
mng@feminismo.org
Local Nacional: Garcia Barbom 13-1º ofc. 3.
Vigo - Galiza
_______________
Mng mng@feminismo.org 23 de novembro de 2007 13:41
__________________________________

Premio EU TAMÉN NAVEGAR para a MMM

2007-11-21T21:44:00.000+01:00

O 24 de novembro, a Marcha Mundial das Mulleres recibirá o Premio da Secretaria de Igualdade de Loita contra a Violencia de Xénero "Eu tamén navegar". Este premio que está na súa segunda edición, foi concedido o ano pasado á Rede Veciñal contra os Malos Tratos. O acto será ás 11:30hrs no refectorio do Pazo de San Lorenzo en Compostela.

PENELOPE:
Asi falou o oráculo:

“QUE á banda do solpor é mar de mortos,
incerta, última luz, non terás medo. QUE ramos de loureiro erguen rapazas
QUE cor malva se decide o acio.
QUE acades disas patrias a vindima.
QUE amaine o vento, beberás o viño.
QUE sereas sen voz a vela embaten.
QUE un sumario de xerfa polos cons.”

Así falou Penélope:

“Existe a maxia e pode ser de todos.
A que tanto novelo e tanta historia?
EU TAMÉN NAVEGAR.”
Autora: Xoana Torres

Actos 25 N na Coruña

2007-11-21T00:37:00.000+01:00

Actos 25 N na Coruña

2007-11-21T00:24:00.000+01:00

25 de Novembro do 2007: Podemos acabar coa violencia machista - Cada quen desde a súa responsabilidade

2007-11-20T08:40:00.003+01:00

PODEMOS ACABAR COA VIOLENCIA MACHISTA
CADA QUEN DESDE A SÚA RESPONSABILIDADE
25 de novembro,
Día Internacional
contra a Violencia de Xénero

Son moitos os cambios nos últimos anos: novas leis, programas específicos nas administracións, visibilización nos meios de comunicación, distinta valoración na opinión pública, novos valores nas relacións persoais... aínda así, o número de mulleres asasinadas, as denuncias de mulleres agredidas e as condenas por agresións, seguen aumentando. E o que é aínda máis preocupante, a violencia machista perpetúase na xente máis nova.

Somos conscientes de que muitas estruturas económicas (Banco Mundial, Fondo Monetario Internacional, multinacionais...) , estruturas políticas (G-8, gobernos, exércitos...), e estruturas relixiosas (Vaticano, conferencia episcopal española, aiatolas, imáns, consellos relixiosos...) están mantendo e perpetuando unha organización patriarcal da sociedade onde se encontra enraizada a violencia machista. Unha realidade implantada en todo o planeta, e que mostra a súa face máis descarnada en situacións de guerra, tráfico de persoas e explotación sexual.

Aínda así, desde a Marcha Mundial das Mulleres temos o convencemento de que para rematar coa violencia, non chega coa denuncia e loita contra todas estas institucións e estruturas. Partindo da nosa realidade máis inmediata, fai falta que confluamos nunha mesma dirección todos os sectores sociais que aspiramos a transformala,
porque cada quen debe analisar e asumir a responsabilidade que lle corresponde para rematar con esta lacra social:

*As organizacións políticas e as persoas que teñen responsabilidades e presenza nas administracións e nos poderes públicos, que deben tomar consciencia de que este non é un problema só daqueles departamentos, secretarías, concellalias... específicas, senón que é algo que atinxe de xeito global a todos os estamentos e implica reformulacións organizativas e de "boas práticas", destinando máis recursos para a aplicación das leis, creación e mantemento de servizos de atención e recuperación das vítimas, aplicando consecuentemente políticas de prevención e compromenténdose, máis aló do papel, nas políticas de igualdade. Enfrontándose aos grupos políticos que dean o seu apoio a alternativas ou práticas sociais, económicas, relixiosas e culturais que niguén a igualdade de dereitos para todas as persoas e favorezan relacións de marxinación e opresión.

*As persoas que traballan nos medios de comunicación, tanto públicos como privados, que teñen a responsabilidade de elaborar e divulgar unha información obxectiva e libre de estereotipos sexistas, tanto en relación coas vítimas de violencia como a visibilización das mulleres en todos os ámbitos sociais. Asumindo a responsabilidade que lles corresponde na creación dunha opinión pública inspirada nos valores da igualdade.

*Os sindicatos, que teñen a responsabilidade de loitar contra a segregación e a discriminación no mundo laboral e de asumir a defensa da seguridade e a saúde de todas as traballadoras e traballadores. Deben aplicar unha perspectiva de xénero na sua acción sindical, utilizando todas as ferramentas na loita contra a discriminación, e o acoso, e na mellora das condicións laborais, especialmente dos sectores máis precarizados e vulnerábeis, tanto no ámbito rural como no urbano. Correspóndelles, como un dos máis importantes axentes sociais, un papel fundamental na sensibilización social a prol da igualdade, a corresponsabilidade e de rexeitamento do machismo e a misoxinia.

*A comunidade educativa, que ten a responsabilidade de detectar e atallar, no seu ámbito, actitudes machistas e situacións de violencia, formando en valores de igualdade, solidariedade, xustiza, liberdade e paz. Xerando dinámicas própias de renovación pedagóxica que garanticen unha educación en igualdade.

*O movimento veciñal, cultural, ecoloxista... que conforman un tecido social moi activo no noso país e de compromiso transformador, que teñen a responsabilidade de transmitir e aplicar os modelos de igualdade na hora de elaborar as súas alternativas, a súa práctica e o seu modelo organizativo, monstrando a súa solidariedade e irmandade co feminismo.

* As persoas crentes, que tenhem a responsabilidade de rexeitar o machismo e a misoxinia que emana, tanto das estruturas relixiosas, da doutrina, ou dos textos sagrados, buscando un novo modelo de espiritualidade que non perpetue a exclusión e opresión das mulleres.

* Os homens, que teñen a responsabilidade de amosar o seu rexeitamento, no día a día, ás actitudes machistas, desenvolvendo novos modelos de masculinidade, implicándose na sensibilización e concienciación social pola necesidade dun novo modelo de relacións afectivas e sexuais baseadas no respecto, a igualdade e a liberdade. Asumindo a corresponsabilidade no coidado (crianzas, persoas enfermas e de idade, traballo doméstico...), tan imprescindíbel para as persoas.

As mulleres, que temos a responsabilidade de non perpetuar un sistema que nos marxina, de rexeitar unhas relacións baseadas na sumisión e na desigualdade, que debemos implicarnos no proceso de empoderamento individual e colectivo, criando alianzas e cumplicidades que nos axuden a avanzar.

DOMINGO, 25 DE NOVEMBRO
ACUDE ÁS MOBILIZACIÓNS CONVOCADAS

Vigo, ás 12hs saída de Urzaiz (entrada a Príncipe).
A Coruña, ás 12hs no Obelisco.
Ferrol Terra, ás 12hs, Praza de Galiza, en Narón.
Pontevedra, ás 12hs Praza “8 de marzo”.
Costa da Morte, ás 12hs na Praza “8 de marzo” en Cee.
Compostela ás 12:30 na Praza “8 de marzo”.
_______________

Manifesto da Marcha Mundial das Mulleres - 17 Outubro 2007, no Día internacional de loita contra a pobreza

2007-10-17T10:02:00.000+02:00

Manifesto da Marcha Mundial das Mulleres - 17 Outubro 2007
13-10-2007

Nós, mais unha vez, mobilizámonos neste 17 de outubro para denunciar e esixir o fin da opresión á que somos sometidas por ser mulleres, para acabar coa dominación, a explotación, o egoísmo e a procura desenfreada do lucro que traen inxustizas, guerras, colonizaciones, ocupacións e mais violencia.

Das nosas loitas feministas e as das nosas antepasadas que loitaron en todos os continentes, naceron novos espazos de liberdade para nós, as nosas fillas, os nosos fillos, para todas as nenas e os nenos que seguirán camiñando sobre a terra. No 2000 xuntamos 5 millóns de firmas esixindo o fin da pobreza e da violencia. O 2005 saímos ás rúas novamente convocando á humanidade por Igualdade, Liberdade, Xustiza, Paz e Solidariedade e tecendo os nosos soños mentres construímos a nosa manta mundial.

Hoxe, como antes, denunciamos o capitalismo, o patriarcado e as súas institucións como as corporacións transnacionais e as oligarquías nacionais, que extraen a súa riqueza da discriminación, opresión e explotación dos nosos pobos e especialmente as mulleres, do saqueo dos nosos territorios, auga, terra, biodiversidade, fontes de enerxía, e descoñecen os nosos dereitos individuais e colectivos. Denunciamos estes sistemas que se organizan con base nos privilexios dos homes sobre as mulleres, de brancos sobre negros e indíxenas, así como a exclusión das lesbianas, de inmigrantes e tantas situacións de vida consideradas por eles ?anormais?. Denunciamos o seu carácter represivo e de criminalización das nosas loitas.

Neste 17 de Outubro - Día internacional de loita contra a pobreza - chamamos a atención á realidade vivida por nós mulleres: o noso traballo de coidado á familia e á comunidade non é recoñecido e aumenta cos cortes do orzamento publico, temos menos propiedade e control dos recursos, temos salario menores, as condicións de traballo son precarias e as empresas controlan a nosa sexualidade e corpo. Non temos as mesmas oportunidades de estudo e os nosos coñecementos e cualificacións son menos recoñecidas. As conexións entre a pobreza e a violencia cara ás mulleres maniféstanse no tráfico e explotación sexual, no feminicídio, na utilización do corpo das mulleres como botín de guerra.

Recoñecemos as varias formas de opresión cara ás mulleres nos catro cantos do mundo. Tantas veces manifestámonos, e seguiremos o facendo, contra as ocupacións militares en Palestina, Afganistán, Líbano, Iraq. Neste momento particular relevamos a nosa solidariedade coas mulleres en loita en contra a ditadura militar en Birmania, que empezasen denunciando a alta dos prezos de combustibles e abrisen o camiño a monxes, estudantes e todo o pobo. Apoiamos ás compañeiras de Costa Rica no seu NON ao tratado de libre comercio de América Central con Estados Unidos. Empeñamos a nosa loita para superar a terrible violencia que sofren as mulleres nos conflitos armados na rexión de Kivu, Republica Democrática do Congo e Darfur, na rexión oeste de Súan.

Reafirmamos os nosos camiños para superar a pobreza e a violencia cara ás mulleres:

Autonomía económica das mulleres e repartición da riqueza: Empregos dignos, con dereitos laborais e xusta remuneración; manexo, uso e control dos recursos e medios de vida; fortalecemento da economía solidaria; valorización do traballo reprodutivo e produtivo das mulleres. Non pago da débeda externa que atenta contra a soberanía dos países e vixilancia para os novos endebedamentos. Non negociar nin asinar tratados de libre comercio que teñan como obxectivo asegurar os intereses das transnacionales.

Por soberanía alimentaria e contra a privatización da natureza: Auto-xestión dos nosos recursos naturais que se basee nun modelo de desenvolvemento que respecte as necesidades básicas das xeracións presentes e futuras. Dereito a manter os nosos medios de vida, a producir os nosos propios alimentos da forma en que queremos producir e alimentarnos de acordo á nosa propia cultura.

Non máis violencia cara ás mulleres: Combate á violencia sexista que é un instrumento de control das nosas vidas, o noso corpo e sexualidade, de tornarnos obxectos sometidos á vontade do outro. Compromiso e medidas concretas do Estado, da sociedade, en particular dos movementos sociais, na prevención e punición da violencia cara ás mulleres.

Paz e desmilitarización: Pór un fin na impunidade e no uso do corpo das mulleres como botín de guerra e do estupro como arma de guerra. Participación das mulleres na resolución dos conflitos. Política de desarmamento, contra as ocupacións e a presenza militar estranxeira incluíndo bases e exercicios militares.

Ata que todas as mulleres sexan libres estaremos en marcha!

Granxa do Ulmeiro, Portugal, 08 Outubro 2007

Comité Internacional Marcha Mundial das Mulleres
______________

Domingo 21 de Outubro, Homes Galegos pola Igualdade convocan unha concentración en Compostela conta a violencia machista

2007-10-17T09:10:00.000+02:00

HOMES GALEGOS POLA IGUALDADE:
CONCENTRACIÓN CONTRA A VIOLENCIA MACHISTA - 21 OUTUBRO - SANTIAGO DE COMPOSTELA

COLABORA PARTICIPANDO E DIFUNDINDO ESTA MENSAXE, É UN SINXELO PERO IMPORTANTE PASO PARA RACHAR COA VIOLENCIA

Homes Galegos pola Igualdade, convoca a toda a sociedade galega á

CONCENTRACIÓN CONTRA A VIOLENCIA MACHISTA

Domingo 21 de outubro ás 12:00 h., na Praza do Toural en Santiago.

A violencia masculina contra as mulleres ten unha magnitude inaceptable, milleiros de mulleres maltratadas e decenas de mulleres mortas se repiten anualmente, o que supón un ataque intolerable aos dereitos humanos e as liberdades democráticas no noso país.

Quenes cremos na xustiza social e na igualdade, temos a obriga moral e política de esixir unha resposta firme ás nosas institucións, pero tamén temos a obriga de apoialas e poñer todos os recursos que estean ao noso alcance.

É preciso que toda a sociedade participe activamente no cambio da xerarquía de valores, é necesario que non calemos, que nos fagamos responsables, xa que o silencio fainos cómplices de que esta situación se perpetúe.

Nese día Sevilla, Madrid, Barcelona, Málaga, León, Santiago, e posiblemente outras cidades estarán unidas por un mesmo obxectivo, por unha mesma causa.

Dende aquí, Homes Galegos pola Igualdade, convoca a toda a sociedade galega a unha concentración o Domingo 21 de outubro ás 12:00 h., na Praza do Toural en Santiago.

Na que invita á participación activa, ás persoas responsables políticas de Galicia que cada día máis introducen a perspectiva de xénero nas súas axendas, ás asociacións de mulleres que traballan dende hai décadas pola erradicación da violencia e o apoio ás vítimas, ás persoas que dende os seus entornos de traballo (Medios de comunicación, Universidades, Concellos, centros educativos, CIMs, Xulgados, Servizos Sociais, as Forzas e Corpos de Seguridade, etc) que todos os días poñen o seu gran de area, nesta, cada día máis tupida rede de persoas que loitan contra a violencia.

Pero particularmente queremos incentivar a participación dos homes que asumen o compromiso de enfrontarse a calquera conduta que supoña desconsideración ou maltrato de calquera tipo cara as mulleres e cara a infancia, porque somos os homes os primeiros que temos que rachar coa complicidade que temos cos homes que exercen violencia.

Grazas, vémonos en Santiago.

Cómo criar un grupo de homes profeministas?:

Homes Galegos Pola Igualdade

Avda. Buenos Aires, 26 – 1º
36500 Lalín (Pontevedra)

Tels.: 661 181 725 – 609 827 021 - 619 861 242
609 276 501 - 661 582 721
e-mail:
homesgalegospolaigualade@yahoo.es
_______________

Manifesto da Marcha Mundial das Mulleres no Día internacional de loita contra a pobreza

2007-10-15T23:11:00.000+02:00

Manifesto da Marcha Mundial das Mulleres
17 de Outubro de 2007
Día internacional de loita contra a pobreza

Nós, mais unha vez, mobilizámonos neste 17 de outubro para denunciar e esixir o fin da opresión á que somos sometidas por ser mulleres, para acabar coa dominación, a explotación, o egoísmo e a procura desenfreada do lucro que traen inxustizas, guerras, colonizaciones, ocupacións e mais violencia.

Das nosas loitas feministas e as das nosas antepasadas que loitaron en todos os continentes, naceron novos espazos de liberdade para nós, as nosas fillas, os nosos fillos, para todas as nenas e os nenos que seguirán camiñando sobre a terra. No 2000 xuntamos 5 millóns de firmas esixindo o fin da pobreza e da violencia. O 2005 saímos ás rúas novamente convocando á humanidade por Igualdade, Liberdade, Xustiza, Paz e Solidariedade e tecendo os nosos soños mentres construímos a nosa manta mundial.

Hoxe, como antes, denunciamos o capitalismo, o patriarcado e as súas institucións como as corporacións transnacionais e as oligarquías nacionais, que extraen a súa riqueza da discriminación, opresión e explotación dos nosos pobos e especialmente as mulleres, do saqueo dos nosos territorios, auga, terra, biodiversidade, fontes de enerxía, e descoñecen os nosos dereitos individuais e colectivos. Denunciamos estes sistemas que se organizan con base nos privilexios dos homes sobre as mulleres, de brancos sobre negros e indíxenas, así como a exclusión das lesbianas, de inmigrantes e tantas situacións de vida consideradas por eles ?anormais?. Denunciamos o seu carácter represivo e de criminalización das nosas loitas.

Neste 17 de Outubro - Día internacional de loita contra a pobreza - chamamos a atención á realidade vivida por nós mulleres: o noso traballo de coidado á familia e á comunidade non é recoñecido e aumenta cos cortes do orzamento publico, temos menos propiedade e control dos recursos, temos salario menores, as condicións de traballo son precarias e as empresas controlan a nosa sexualidade e corpo. Non temos as mesmas oportunidades de estudo e os nosos coñecementos e cualificacións son menos recoñecidas. As conexións entre a pobreza e a violencia cara ás mulleres maniféstanse no tráfico e explotación sexual, no feminicídio, na utilización do corpo das mulleres como botín de guerra.

Recoñecemos as varias formas de opresión cara ás mulleres nos catro cantos do mundo. Tantas veces manifestámonos, e seguiremos o facendo, contra as ocupacións militares en Palestina, Afganistán, Líbano, Iraq. Neste momento particular relevamos a nosa solidariedade coas mulleres en loita en contra a ditadura militar en Birmania, que empezasen denunciando a alta dos prezos de combustibles e abrisen o camiño a monxes, estudantes e todo o pobo. Apoiamos ás compañeiras de Costa Rica no seu NON ao tratado de libre comercio de América Central con Estados Unidos. Empeñamos a nosa loita para superar a terrible violencia que sofren as mulleres nos conflitos armados na rexión de Kivu, Republica Democrática do Congo e Darfur, na rexión oeste de Súan.

Reafirmamos os nosos camiños para superar a pobreza e a violencia cara ás mulleres:

Autonomía económica das mulleres e repartición da riqueza: Empregos dignos, con dereitos laborais e xusta remuneración; manexo, uso e control dos recursos e medios de vida; fortalecemento da economía solidaria; valorización do traballo reprodutivo e produtivo das mulleres. Non pago da débeda externa que atenta contra a soberanía dos países e vixilancia para os novos endebedamentos. Non negociar nin asinar tratados de libre comercio que teñan como obxectivo asegurar os intereses das transnacionales.

Por soberanía alimentaria e contra a privatización da natureza: Auto-xestión dos nosos recursos naturais que se basee nun modelo de desenvolvemento que respecte as necesidades básicas das xeracións presentes e futuras. Dereito a manter os nosos medios de vida, a producir os nosos propios alimentos da forma en que queremos producir e alimentarnos de acordo á nosa propia cultura.

Non máis violencia cara ás mulleres: Combate á violencia sexista que é un instrumento de control das nosas vidas, o noso corpo e sexualidade, de tornarnos obxectos sometidos á vontade do outro. Compromiso e medidas concretas do Estado, da sociedade, en particular dos movementos sociais, na prevención e punición da violencia cara ás mulleres.

Paz e desmilitarización: Pór un fin na impunidade e no uso do corpo das mulleres como botín de guerra e do estupro como arma de guerra. Participación das mulleres na resolución dos conflitos. Política de desarmamento, contra as ocupacións e a presenza militar estranxeira incluíndo bases e exercicios militares.

¡Até que todas as mulleres sexan libres estaremos en marcha!

Granxa do Ulmeiro, Portugal, 08 Outubro 2007

Comité Internacional Marcha Mundial das Mulleres
Rua Ministro Costa e Silva, 32,
Pinheiros, CEP 05417-080, São Paulo, SP
BRASIL
Fone/fax: (11)3819-3876
_____________________

Pontevedra, 20 de Outubro: A prostitución a debate

2007-10-03T09:02:00.004+02:00

Pontevedra, 20 de Outubro:
A prostitución a debate

MMM Marcha galiza -marchagaliza@gmail.com-
3 de outubro de 2007 00:38
Para: marchagaliza@feminismo.info
A PROSTITUCIÓN A DEBATE

A Marcha Mundial das Mulleres organiza o próximo día 20 de outubro, unha xornada aberta de debate sobre a prostitución. No arquivo encontraredes o programa e o cartaz. Agardamos a vosa asistencia.

A inscripción realizarase mediante pago de 20€ no nº da conta da Marcha Mundial das Mulleres:

CAIXA GALICIA: 2091-0377-71-3040005610

No recibo deberá constar o nome e a localidade.

Eses 20€ comprenden os cafés de media mañá e tarde, e o xantar do mediodía.

Pódese contactar por teléfono coas coordenadoras de Vigo(657825556 ), Ferrol (652201003), Pontevedra (669794462) e A Coruña (649372511).

--
Coordenadora Nacional Galega
Marcha Mundial das Mulheres
Marcha mundial das Mulleres
Avda de Lugo 143, baixo
15703 Compostela-Galiza
CIF G-15773013
tlf 652201003-657825556-667531529
http://www.feminismo.info

Se o necesitades podedes copiar o cartaz e folleto aquí:
Cartaz en formato -jpg-
Folleto en formato -jpg-
_____________

Concentraçom de repulsa polo assassinato de Estrella Geremias

2007-06-25T23:42:00.000+02:00

Dua moças da Coordenadora Local da Marcha Mundial das Mulheres en Ferrolterra colocavam numha farola da praça do concelho umha fita co nome de Estrella Geremias, última vítima da violência machista em Galiza. A praça nesse momento atopava-se enchida cos siareiros da equipa local de futebol para festejar o ascenso a segunda divissom. Umha acertada mediaçom das concelheiras permitiu que a megafonia preparada para receber à equipa, fose utilizada para denunciar a situaçom de violência na que vivem muitas mulheres, para denunciar que essa violencia tem a súa raiz numha sociedade patriarcal que somete às mulheres e que o silencio ante situaçons de violência machista convirte-se em cumplicidade. Nem na casa, nem na rua, nem na economia, nem na religiom, nem na política devemos permitir o sometemento e a discriminaçom.

Concentración en Oleiros polo asesinato de Estrella Geremias

2007-06-24T14:14:00.001+02:00

A pesares dos intentos normativos, é dicir, das diferentes leis e medidas promulgadas nos últimos tempos, -tanto a nivel internacional, como do estado español, como da propia Galiza-, a situación de desigualdade e desprotección das mulleres ante a violencia que sófremos cada día, segue a ser un feito notorio e indiscutible.

Nesta sociedade as mulleres estamos exportas –todas nos, sen excepción-, á violencia, ao maltrato, ao asasinato.

Todas as mulleres somos vítimas potencias e reais –moitas de nos-, do esquema machista desta sociedade.

Seguemos sen ter garantías reais para:
manter a nosa dignidade como mulleres
exercer os nosos dereitos de liberdades e oportunidades sociais máis básicos.

Seguimos loitando contra os múltiples prexuízos patriarcais desta sociedade, que nos considera elementos inferiores.

Considérannos INFERIORES até o punto que non se respecta –nin sequera- a nosa integridade física.

As mulleres seguimos sumando dentro dunhas estatísticas (absolutamente impersoais), como un número ao alza de mortas e sufridoras de lesións graves.

Independentemente das actuacións legais e políticas de sensibilización contra o machismo, mentres a sociedade –no seu conxunto- permitamos:

prácticas de discriminación tradicionais.
distribucións estereotipadas dos papeis asignados entre sexos
imaxe de dominación dun sexo sobre o outro.
machismo e misoxinia nos usos da linguaxe, etc.

Mentres nos conformemos, nos habituemos, a ser un número máis nas estatísticas, NON SE FREARÁN AS MORTES.

Debemos loitar con forza para que a nosa visibilidade como mulleres sexa una realidade indiscutíbel.

O común plural foi sempre masculino, mais foi así porque o masculino era o elemento preponderante na sociedade ao longo da historia.

Hoxe, sen embargo, todas sabemos que a metade da poboación –a metade da sociedade- é feminina.

As mulleres, polo tanto, temos o dereito a ser clasificadas como seres respetábeis en toda a nosa integridade.

A sociedade –e desde logo os homes que forman parte dela- deben saber dunha vez por todas que:

Temos os mesmos dereitos
Temos as mesmas liberdades

Non somos zorras, nin putóns, polo feito de desfrutar da nosa liberdade.

Queremos e aceptamos con orgullo a feminización dunha sociedade que tradicionalmente foi dos homes, máis negámonos a vivir nun papel subordinado.

As leis demóstrannos con cada morte –dunha de nos-, que NON son suficientes.

Acabamos de pasar unhas votacións. Votar tampouco é suficiente.

ESIXIMOS DECIDIR:

Sobre a nosa capacidade de expresión
sobre a nosa capacidade de traballo
sobre os nosos erros
sobre a nosa sexualidade
sobre as nosas amizades
SOBRE A NOSA PROPIA VIDA

Non queremos ser mulleres abnegadas, tampouco queremos que nos traten como raíñas.

QUE NOS DEIXEN VIVIR

QUE NOS RESPECTEN

QUE NON NOS MATEN POR SER MULLERES

QUE NON SOMOS DE NINGUÉN

QUE SOMOS PARTE ACTIVA E VINCULADA A ESTA SOCIEDADE

QUE SOMOS MULLERES

COMUNICADO DA MARCHA MUNDIAL DAS MULLERES, LEIDO POR PURA FERREÑO NA CONCENTRACIÓN DO 23 DE XUÑO DE 2007, SÁBADO, ÁS 19,00, NA CASA CHARRY (OLEIROS – A CORUÑA), EN REPULSA POLO ASESINATO DE ESTRELLA GEREMIAS
Foto Almara

Acto de solidariedade con Atenco en Compostela

2007-06-23T09:03:00.001+02:00

Mércores 27 de Xuño ás 20hs na Galeria Sargadelos de Compostela, a Secretaría das Mulleres do Sindicato Labrego Galego organiza un acto de visibilización das reivindicacións campesinas de Atenco, e denuncia da forte represión sufrida pola reivindicación das súas teras.
Martha Pérez Pineda, é orixinaria de San Francisco Acuexcómac,
concelllo de San Salvador Atenco, estado de México.
É psicóloga. Ten 46 anos. É representante do Frente de Pueblos
en Defensa de la Tierra ( F.P.D.T) de San Salvador Atenco.O seu pai
é ejidatario, ten unha hectárea. Participou no movemento social en defensa
das nosas terras desde o 22 de outubro de 2001.
San Salvador Atenco significa: á beira do lago.
Son pobos orixinarios ubicados na beira do ex-lago de Texcoco.

-Representa a loita pacífica dos nosos pobos.
-Lograron a victoria e recuperamos as nosas terras.
-Foron reprimidos/as salvaxemente.
-Actualmente loitn pola liberdade dos seus/suas presos/as políticos/as.

A finais do 2001 o pobo de San Salvador de Atenco levantouse contra o
espolio das súas terras por parte do goberno Mexicano. Como parte do famoso
Plan Poboa-Panamá, oficialmente decretábase a expropiación de máis do
80% do territorio de Atenco e case todo o poboado de Ixapan para a
construción dun novo aeroporto internacional. Decretouse o prezo de 7,20
pesos (0.5 euros) por metro cadrado (rústico ou urbanizable).
Ante o decreto o pobo de San Salvador Atenco saíu á rúa e organizouse
na Fronte de Pobos en Defensa da Terra. Non pedían un prezo mellor polas
súas terras, ao contrario esixían o seu dereito de continuar as súas vidas, de
preservar a súa cultura e as súas tradicións. Trátase de pequeno campesinado,
ejidatario (minifundio) na súa maioría. Ademais todos os informes sobre impacto
ambiental sinalaban o desastre que suporía a construción do
aeroporto. Durante o conflito o goberno mexicano presento cargos contra
moitos e moitas habitantes de Atenco. Entre eles, o de secuestro pola
retención dalgúns funcionarios.
Tras esta longa e dolorosa loita, o pobo de San Salvador Atenco gañou esta
primeira batalla e o aeroporto non se construíu. Ademais o goberno comprometeuse,
e así o fixo, a retirar os cargos, como o de secuestro ou desorde pública.
Desgraciadamente, a guerra do goberno contra os campesiños, indíxenas,
contra o pobo de Atenco, non fixera máis que empezar. En maio do
ano pasado, 2006, o movemento social do pobo de Atenco, organizado na
Fronte de Pobos en Defensa da Terra apoiaban as reivindicacións de vendedores
de flores tradicionais, quen foran expulsados do
mercado local que colinda co proxecto dun megasupermecado
multinacional. Utilizando este feito como escusa (existen rumores que falan
do renacemento do proxecto do aeroporto) e como un xesto exemplar de castigo
e desgaste, o exercito e a policía atacaban brutalmente aos
campesiños.
Un mozo de 14 anos foi asasinado polas forzas gobernamentais.
Máis de 47 mulleres foron arrestadas e trasladadas ao cárcere nun autobús.
Durante o traslado máis de 37 mulleres foron violadas e unha decena sufriron
outros abusos sexuais por parte do exército e a policía.
Brutalidade e torturas por centos de persoas detidas (29 aínda permanecen
nos cárceres) e un longo etcétera de violacións contra os dereitos
humanos foi o resultado do ataque das forzas gobernamentais. As
casas daqueles sinalados como "lideres" por un encapuchado foron
esnaquizadas polo exército. Romperon todo o que atoparon ao seu paso.
Roubaron o diñeiro e calquera cousa que consideraron de valor.
O alto tribunal de México xa ditaminou que houbo unha violación dos
dereitos humanos nos feitos de maio. Desgraciadamente as recentes
resolucións xudiciais contra as persoas presas non foron precisamente
xustas. Máis ben, todo o contrario.

Consideramos necesario denunciar estes feitos e, por iso e co lema Atenco
non se vende unha compañeira de Atenco está en Europa para denuncialos.
Ls principais obxectivos da xira desta compañeira resúmense no seguinte:

1. Denunciar a represión brutal á que se ve sometida a poboación
de Atenco, facendo especial fincapé na violación de dereitos
humanos ocorrida en maio do ano pasado.
2. Esixir á Unión Europea que rompa o seu tratado de libre comercio
con México. Xa que en devandito tratado existe unha cláusula sobre a
obrigación de respectar os dereitos humanos como condición
indispensable para a validez do acordo. Ao mesmo tempo,
denunciar as consecuencias desastrosas que devanditos acordos
de libre comercio provocan na estabilidade económica e social de
miles de comunidades.
3. Esixir a retirada dos cargos de aprehensión contra as persoas
detidas en Atenco no 2001, así como a liberación das
encarceradas durante o conflito de maio do 2006.
4. Conseguir o apoio de organizacións de mulleres para denunciar,
dentro dos movementos feministas, a violación das 37
compañeiras, así como dos abusos sexuais sufridos por outra
decena, como arma de guerra e sementa do terror. Unha estratexia
que intenta desgastar e destruír o movemento social, atacando con
especial vehemencia e brutalidade ás súas mulleres.
5. Ademais do apoio político, é necesario nestes momentos un
apoio económico, que permita á fronte de Pobos en Defensa da
Terra facer fronte aos pagos do equipo de avogados que se ocupan
da defensa tanto das persoas presas como daquelas
que se atopan en "busca e captura" con ordenes de aprehensión
do 2001.
6. Un último punto importante, é a necesidade da maior
visualización posible, a través dos medios, así como contactos
con organizacións de dereitos humanos, que sexan de apoio á
compañeira que vén de Atenco. Ela é unha das vítimas da
represión, e atópase acusada de secuestro durante o conflito
do aeroporto. Unha acusación de secuestro que carece de ?secuestrado?.
Pero por esta acusación podería ser condenada
a máis de 20 anos de prisión.

Solidariedade coas mulleres de Atenco

2007-06-22T15:53:00.000+02:00

O vindeiro LUNS 25 DE XUÑO, estará en Vigo- CASA DAS MULLERES, ÁS SETE E MEIA DA TARDE- unha representante do povo de ATENCO (México) que están levando unha forte loita na defensa da sua terra e dos seus postos de traballo en contra dos proxectos máis ultraliberais do estado mexicano e que sofren unha forte represión por parte do exército e a policia.

No Día Internacional das Mulleres pola Paz e o Desarme: Galiza, 24 de maio de 2007

2007-05-24T19:02:00.002+02:00

24 DE MAIO: DÍA INTERNACIONAL DAS MULLERES POLA PAZ E O DESARME

O Dia Internacional das Mulleres pola Paz e o Desarme celebrase o dia 24 de Maio desde o ano 1982, conmemorando a loita das mulleres británicas contra todo o que representaba a OTAN, contra a instalación de bases militares, e polo fin das guerras e a carreira armamentística.

Os actuais escenarios bélicos mundiais, Afganistán, Iraq, Palestina, Colombia, Sudán, Arxelia, etc., significan un grande reto para toda a poboación, e moi especialmente para as mulleres. No Afganistán fomos as primeiras en dar a voz de alarma sobre as condicións de vida das mulleres afganas, moito antes de que se iniciara o conflicto, e ainda seguimos a facelo. No Iraq unha caravana de mulleres norteamericanas expresaron a sua solidariedade coas mulleres iraquíes, víctimas desta guerra, unímonos á protesta mulleres de todo o mundo. A denuncia dos conflitos bélicos é unha constante no movimento feminista, visibilizando o que supoñen para a vida de milleiros de persoas, donde unha vez mais, as mulleres somos as mais perxudicadas, e asinalando os verdadeiros motivos das guerras, que foron e seguen a ser fundamentalmente económicos, e polos que se fan desaparecer pobos, se ocupan territorios ou se esquilman os seus recursos.

Desde a Marcha Mundial das Mulleres da Galiza queremos destacar a importancia desta data para continuar traballando por unha sociedade antimilitarista, pois pensamos que o militarismo vai mais aló dos exércitos e as guerras, ainda que estas sexan a sua máxima expresión. Nós berramos un ano máis ¡Non ás guerras!, coa forza de quen pode parar un exército, e ainda conscientes de que non é tan sinxelo non por iso deixaremos de camiñar xuntas na procura dun mundo onde guerras e exércitos non teñan sitio.

Galiza, 24 de Maio de 2007

Meira campionas da IIª Bandeira

2007-05-10T18:19:00.000+02:00

As remeiras de Meira levarom-se a IIª Bandeira de Trainheirinhas Marcha Mundial das Mulheres. Seguirom-nas na clasificación Chapela, Náutico de Vigo, Mecos e Cabo de Cruz. Como ocorrera na competiçom do passado ano, o ambiente foi festivo e reivindicativo, valorando o esforzo das mozas remeiras por conseguir a igualdade nos seus clubes e nas competiçons que organiza a Federaçom de Remo.

IIª Bandeira de Triñeiriñas Marcha Mundial das Mulleres

2007-05-01T21:36:00.002+02:00

8 de marzo 2007 en Pontevedra

2007-03-16T18:58:00.002+01:00

8 de Março em Compostela

2007-03-14T23:26:00.000+01:00

8 de Março em Ferrol, imagens

2007-03-09T19:27:00.002+01:00

************************************
Liga co Blog da Coordenadora Local de Ferrol - Terra
************************************

8 de Março 2007 em Ferrol

2007-03-09T19:06:00.001+01:00

Queremos no nome da Coordenadora da Marcha Mundial das Mulheres da comarca de Trasancos, agradecer a vossa presença a todas as pessoas que vos achegachedes hoje ate esta praça,para compartir este acto do 8 de Março, dia Internacional das Mulheres.

Podedes observar que achegamos ate aqui múltiples objectos. Uns asociados directamente ao mundo laboral, aos distintos oficios e profesions, outros relacionados co mundo dos coidados, dos afectos e da reproduçom humana.

O primeiro mundo, o laboral, está organizado baixo um sistema global, o capitalismo, que se rige pola acumulaçom de beneficios a costa dumha produçom ilimitada e incetivando o consumo irresponsável e devastador para o planeta.

Este sistema nos coloca às mulheres, case sempre nos trabalhos menos valorados e menos remunerados.Este sistema impom jornadas laborais moi longas.

O mundo dos coidados e da reproduçom humana segue-se considerando maioritariamente, responsabilidade exclusiva das mulheres.Este mundo, o dos coidados e a reproduçom, é minusvalorado e nom se computa em termos económicos, quando é imprescindível para as pessoas.

O feminismo entra en confrontaçom com este modelo de organizaçom do mundo laboral, económico, e o mundo dos coidados e a reproduçom, e nos indica que hai que elexir, ou compartimos ou perpetuamos a discriminaçom das mulheres.

Queremos neste acto reivindicar a necessidade de compartir estes dous mundos, para isso vos pedimos a todas as pessoas que estades hoje aqui, que recolhades obxectos vinculados aos dous mundos e os coloquedes alternando-os dentro do simbolo que temos debuxado no cham.

Antes de fazer a leitura do manifesto da Marcha Mundial das Mulheres na Galiza, queremos mandar um saudo solidário a todas as companheiras da Marcha de America latina que se estam mobilizando este dia contra o passo polos seus paises do Presidente de EEUU, expresando a repulsa à sua política de guerra e destrucçom.

Também queremos manifestar a nossa solidariedade coas companheiras da Coordenadora da Marcha Mundial das Mulheres em Marrocos, que estam levando umha campanha para levantar a condea a morte de tres mulheres iraquies,actualmente em prisom acusadas de crimes contra a seguridade do pais, pedindo a sua libertaçom imediata e o fim da ocupaçom de EEUU de Iraque.

A nossa solidariedade tamém com as 64 pessoas arrestadas em Iram durante a manifestaçom do 8 de Março, en particular a companheira Shala Entesari que se encontra en aillamento.

E queremos fazer extensivo este saudo a todas as mulheres do mundo que se mobilizam hoje,na defensa dos seus direitos por um mundo inspirado nos valores da igualdade,a paz, a justiça, a liberdade e a solidariedade.

As mulheres temos um papel importantíssimo na economia. Realizamos a maioria do trabalho que supom o cuidado e a reproduçom humana. Este trabalho silenciado no ámbito económico, chegaria a representar entre um 15 e um 20% do PIB (Produto Interior Bruto).

O coidado e a reproduçom humana, som a base do resto da produçom económica e permitem, ao nom estar valorado, a acumulaçom e o ganho capitalista. Ademais, outorgando-nos às mulheres a exclusividade nas responsabilidades domésticas, construiu-se a escusa ao longo dos tempos, para contemplar a inclusom das mulheres no mundo laboral como algo temporal ou complementário do seu trabalho natural no fogar.

Esta divison sexual do trabalho, provocou e segue mantendo entre outras cousas, as diferências salariais, a maior presência feminina em setores laborais precarizados e na economia submergida.

Se calculáramos a quantidade de bens e serviços que umha sociedade teria que gerar para cobrir o trabalho da reproduçom e o cuidado humano veríamos que se trata dum trabalho impagável. Compartilhar esse trabalho é a única opçom para que deixe de ser discriminatório para as mulheres.

Trata-se dumha eleiçom simples: compartir ou discriminar. Nom se trata só dumha eleiçom individual que afecta as pessoas que convivem juntas ou tenhem responsabilidades familiares, trata-se dumha eleiçom que abrangue também as estruturas económicas, sociais e políticas.

Elexir entre compartir ou discriminar, significa esquecer a acumulaçom de benefícios e capital a costa de condiçons laborais que nom permitem nem aos homens nem às mulheres, a conciliaçom da vida laboral e familiar. Significa eleger políticas que invistam e afortalem no sector público, redes assistenciais e serviços que ajudem a essa conciliaçom.

Elexir entre compartir ou discriminar significa elexir modelos sociais (educacionais, religiosos, de lecer, afectivos, sexuais, políticos...) de igualdade.

O feminismo coloca assim, a toda a sociedade numha encruzilhada onde só se podem seguir duas direcçons, a do cámbio social que permita compartilhar o trabalho que sustenta a existência da Humanidade, ou o caminho da perpetuaçom da discriminaçom das mulheres, onde a violência e a pobreza, coexistem co gasto sem medida, a ostentaçom e a depredaçom do planeta.

VIVA O 8 DE MARÇO!!! VIVA A LUITA FEMINISTA!!!

************************************
Liga co Blog da Coordenadora Local de Ferrol - Terra
************************************

Folheto que se vai repartir no Asteleiro Navantia Ferrol

2007-03-02T07:29:00.000+01:00

Concentraçom em Ferrol,
o dia 8 de Março, às 20:00 hrs, no Cantom
COMPARTIR OU DISCRIMINAR
Marcha Mundial das Mulheres na Galiza

Convocatorias para o 8 de marzo de 2007

2007-03-01T09:21:00.000+01:00

8 de Marzo de 2007
Día Internacional das Mulleres

ELIXE: COMPARTIR OU DISCRIMINAR

CONVOCATORIAS:

- Cee, ás 20:00 hrs, na Praza 8 de Marzo.

- Compostela, ás 20:00 hrs na Praza 8 de Marzo

- A Coruña, ás 20:30 hrs no Obelisco.

- Ferrol, ás 20:00 hrs, no Cantón.

- Pontevedra, ás 20:30 hrs, na Praza 8 de Marzo.

- Vigo, ás 20:00 hrs, na Praza de Portugal. [Manifestación]

_______________

8 DE MARZO DÍA INTERNACIONAL DAS MULLERES

PARA O CAPITALISMO SON IMPRESCINDÍBEIS A PRODUCIÓN E O CONSUMO

PARA AS PERSOAS SON IMPRESCINDÍBEIS OS COIDADOS

PARA CONSEGUIR A IGUALDADE É IMPRESCINDÍBEL COMPARTIR OS COIDADOS

ELIXE: COMPARTIR OU DISCRIMINAR

______

[+ info na web ]

______

Convocatórias para o 8 de Março de 2007

2007-03-01T09:01:00.000+01:00

8 de Março de 2007
Dia Internacional das Mulheres

ELEGE: COMPARTIR OU DISCRIMINAR

CONVOCATÓRIAS:

- Cee, às 20:00 hrs, na Praça 8 de Março.

- Compostela, às 20:00 hrs, na Praça 8 de Março.

- Corunha, às 20:30 hrs no Obelisco.

- Ferrol, às 20:00 hrs, no Cantom.

- Ponte Vedra, às 20:30 hrs, na Praça 8 de Março.

- Vigo, às 20:00 hrs, na Praça de Portugal. [Manifestaçom]

_______________

8 DE MARÇO DIA INTERNACIONAL DAS MULHERES

PARA O CAPITALISMO SOM IMPRESCINDÍBEIS A PRODUÇOM E O CONSUMO

PARA AS PESSOAS SOM IMPRESCINDÍVEIS OS COIDADOS

PARA CONSEGUIR A IGUALDADE É IMPRESCINDÍVEL COMPARTIR OS COIDADOS

ELEGE: COMPARTIR OU DISCRIMINAR

______

[+ info na web ]

___

Isabel Vilalba, enviada pola Coordenadora Galega da Marcha Mundial das Mulheres ao Fórum de Soberania Alimentária

2007-02-22T19:23:00.000+01:00

A Marcha Mundial das Mulheres organiza junto com Via Campesina, o Foro Mundial de Trabalhadores da Pesca, ROPPA – Réseau des Organisations Paysannes et de Producteurs de l’Afrique de l’Ouest, Foro Mundial de Povos Pescadores (WFFP), IPC - Comité de Planificaçom Internacional para la soberanía alimentária, Rede para a Soberanía Alimentaria, e Amigos de la Tierra, um Foro Mundial sobre Soberania Alimentaria. O país elegido para celebrar este encontro é Mali, por ser um país eminentemente agrícola, num continente, o Africano, que também destaca pola produçom de alimentos. A Coordenadora da Marcha Mundial das Mulheres na Galiza conta cumha representante nesta reuniom internacional, Isabel Vilalba, que ademais representa à Coordenadora europeia da Marcha. Som obxectivos deste fórum unificar os distintos conceitos de soberania alimentária e trazar linhas de acçom em comúm para defender o direito dos povos a produzir seus próprios alimentos com independência das condiçons do mercado.

As organizaçons de Mali quixerom que este forum levase o nome dumha mulher muito conhecida na historia deste país africano. Esta mulher chamava-se Nyéléni. Distinguiu-se como labrega e luitadora,numha sociedade que a considerava incapaz por ser mulher soa, sem home nem irmaos, chegando a conseguir duas variantes de sementes de cereal moi utilizadas em Mali.

Nyéléni 2007 - Fórum para a Soberania Alimentária. 23 - 27 de Fevereiro de 2007. Sélingué. Mali

Isabel Vilalba, enviada pola Coordenadora Galega da Marcha Mundial das Mulheres ao Fórum de Soberania Alimentária, que se celebra em Mali, do 23 ao 27 deste mês de Fevereiro.

Sítio web oficial do Fórum:

http://www.nyeleni2007.org

Sítio web oficial da Marcha Mundial das Mulheres na Galiza

http://www.feminismo.info

Material: 8 de Março de 2007

2007-02-22T19:11:00.000+01:00

Texto em normativa -rag- :

ELIXE: COMPARTIR OU DISCRIMINAR

As mulleres temos un papel importantísimo na economía. Realizamos a maioría do traballo que supón o coidado e a reprodución humana. Este traballo silenciado no ámbito económico, chegaría a representar entre un 15 e un 20% do PIB (Produto Interior Bruto). Un traballo que é a base do resto da produción económica e que permite, ao non estar valorado, á acumulación e o gaño capitalista. Ademais, darnos a exclusividade nas responsabilidades domésticas, serviu de escusa ao longo dos tempos, para contemplar a inclusión das mulleres no mundo laboral como algo temporal ou complementario do seu traballo natural no fogar. Iso provocou e segue mantendo, as diferencias salariais, a maior presencia feminina en sectores laborais precarizados e na economía submerxida.

Se calculáramos a cantidade de bens e servizos que unha sociedade tería que xerar para cubrir o traballo da reprodución e o coidado humano veríamos que se trata dun traballo impagábel. Compartillar eses traballos é a única opción para que deixe de ser discriminatorio para as mulleres.

Tratase dunha elección simples: compartillar ou discriminar. Non se trata só dunha elección individual que afecta ás persoas que conviven xuntas ou teñen responsabilidades familiares, tratase dunha elección que abrangue tamén as estruturas económicas, sociais e políticas. Elixir entre compartillar ou discriminar, significa esquecer a acumulación de beneficios e capital a costa de condicións laborais que non permiten nin aos homes nin ás mulleres, a conciliación da vida laboral e familiar. Significa elixir políticas que invistan e afortalen no sector público, redes asistenciais e servizos que axuden a esa conciliación. Significa elixir modelos sociais (educacionais, relixiosos, de lecer, afectivos, sexuais, políticos...) de igualdade. O feminismo coloca así, a toda a sociedade nunha encrucillada onde só se poden seguir dúas direccións, a do cambio social que permita compartillar o traballo que sustenta a existencia da Humanidade, ou o camiño da perpetuación da discriminación das mulleres, onde a violencia e a pobreza coexisten co gasto sem medida, a ostentación e a depredación do planeta.

Texto em normativa -agal- :

ELEGE: COMPARTIR OU DISCRIMINAR

As mulheres temos um papel importantíssimo na economia. Realizamos a maioria do trabalho que supom o cuidado e a reproduçom humana. Este trabalho silenciado no ámbito económico, chegaria a representar entre um 15 e um 20% do PIB (Produto Interior Bruto). Um trabalho que é a base do resto da produçom económica e que permite, ao nom estar valorado, a acumulaçom e o ganho capitalista. Ademais, outorgar-nos a exclusividade nas responsabilidades domésticas, serviu de escusa ao longo dos tempos, para contemplar a inclusom das mulheres no mundo laboral como algo temporal ou complementário do seu trabalho natural no fogar. Isso provocou e segue mantendo, as diferências salariais, a maior presência feminina em setores laborais precarizados e na economia submergida.

Se calculáramos a quantidade de bens e serviços que umha sociedade teria que gerar para cobrir o trabalho da reproduçom e o cuidado humano veríamos que se trata dum trabalho impagável. Compartilhar esse trabalho é a única opçom para que deixe de ser discriminatório para as mulheres.

Trata-se dumha eleiçom simples: compartilhar ou discriminar. Nom se trata só dumha eleiçom individual que afecta as pessoas que convivem juntas ou tenhem responsabilidades familiares, trata-se dumha eleiçom que abrangue também as estruturas económicas, sociais e políticas. Eleger entre compartilhar ou discriminar, significa esquecer a acumulaçom de benefícios e capital a costa de condiçons laborais que nom permitem nem aos homens nem às mulheres, a conciliaçom da vida laboral e familiar. Significa eleger políticas que invistam e afortalem no sector público, redes assistenciais e serviços que ajudem a essa conciliaçom. Significa eleger modelos sociais (educacionais, religiosos, de lecer, afectivos, sexuais, políticos...) de igualdade. O feminismo coloca assim, a toda a sociedade numha encruzilhada onde só se podem seguir duas direcçons, a do cámbio social que permita compartilhar o trabalho que sustenta a existência da Humanidade, ou o caminho da perpetuaçom da discriminaçom das mulheres, onde a violência e a pobreza coexistem co gasto sem medida, a ostentaçom e a depredaçom do planeta.
___________________________________
Jogo de três cartacez de 150 x 100 cm
Para ampliar clicar acima das imagens

Palavras de Paula López Brage na concentraçom ante o assassinato dumha mulher em Meanho

2007-02-07T23:33:00.000+01:00

Paula López, da Coordenadora Local da Marcha Mundial das Mulheres, dirigiu umhas emotivas palavras ao final da concentraçom convocada em Ferrol para monstrar a dor e repulsa pola nova vítima mortal de violência de género no nosso país.

Estamos aquí unha vez mais, porque hoxe morreu outra muller galega, victima da violencia contra as mulleres.

Mªdel Carmen, seguro que levaba aguantando o maltrato do seu home moito tempo, e aínda que aparentaba ser un bó veciño, non era un bó marido nin un bó pai, xa que Mªdel Carmen púxose no medio dun coitelo que ameazaba ó seu fillo e que acabou ca súa vida, tendo testemuñas que os oian bater e berrar, testemuñas que ficaban mudas como a maioría desta sociedade..

Con este acto queremos dar o noso apoio a todas as mulleres que esten sufrindo en silencio a violencia dos seus compañeiros.

E animandoas a denunciar vou a ler unha poesía que fixen para o 25 de novembro do 2005.

ventre fértil dun bastardo inútil
beizos secos de bicos infames
pensamentos encadeados na afectividade
non podo rachar con esta condena
que me ten sometida ata saturarme
de sentimentos empobrecidos
que se gangrenan con cada caricia
caricias que son preámbulos
de noites frías e días de soidade
caricias enlazadas con tantas mentiras coñecidas
caricias que nun instante trócanse por palabras ácidas
caricias que rematan estrangulando a esperanza
non sexas prisioneira das caricias que te oprimen
rompe as reixas da cela que te someten
que non te deixan ser
desvencellate da farsa desas caricias e querete
si...querete,nalgun lugar estás tí....MULLER

Concentración da MMM.6/02/2007 asasinato de Mº del Carmen (Meaño)

Paulina López Brage
7 de Fevereiro de 2007

Convocatoria en Vigo: Esta vez foi Mª Carmen quen morreu pero cando unha muller é asasinada todas somos víctimas

2007-02-07T07:21:00.000+01:00

MARCHA MUNDIAL DAS MULLERES
R/ Romil, 20
VIGO

CONCENTRACIÓN,
MÉRCORES, 7 DE FEBREIRO,
ÁS 8 DA TARDE,
DIANTE DO MARCO

A Marcha Mundial das Mulleres de Vigo quere manifestar a sua dor pola morte de Mari Carmen, veciña de Meaño, e a sua repulsa unha vez máis pola violência de xénero. E queremos facer pública a nosa raiba e a nosa dor para que o seu asasinato non sexa silenciado.

Mari Carmen é a primeira víctima de violencia de xénero en Galiza neste ano 2007, pero temos que lembrar que non é a primeira en Galiza desde o 2005 como din algúns meios de comunicación. No ano 2006 foron asesinadas outras tres mulleres: Águeda (en Baiona), Argentina (en Vigo) e Mª Mar (en Cedeira), sen contar coa muller nixeriana aparecida morta en Vigo da que non sabemos se morreu por causas naturais.

Unha vez máis temos a constatación dolorosa de que a “familia e o fogar” seguen sendo lugares inseguros para as mulleres, porque non está garantida a nosa seguridade, e a nosa liberdade.

A violencia de xénero non é un problema individual causado polo álcool, ainda que éste pode ser un desencadenante, nen é un problema das mulleres, ainda que somos nós quen o sofrimos. É un problema da cultura masculina/patriarcal e dos homes. Son as normas desta cultura as que propician e toleran a violéncia e son “homes” as que a exercen de diversos modos e en diferentes ámbitos. Por todo iso é necesário o compromiso de toda a sociedade para colaborar na loita contra a violéncia.

Esta vez foi Mª Carmen quen morreu pero cando unha muller é asasinada todas somos víctimas.

CONCENTRACIÓN,

MÉRCORES, 7 DE FEBREIRO,

ÁS 8 DA TARDE, DIANTE DO MARCO

Fotos do acto, na Praça de Amada Garcia em Ferrol, de raiba, repulsa e dor polo assassinato de Mª Carmen

2007-02-07T07:04:00.000+01:00

Convocatória em Ferrol

2007-02-06T15:41:00.000+01:00

A MARCHA MUNDIAL DAS MULLERES CONVOCA UNHA CONCENTRACIÓN EN SINAL DE DOR E REPULSA POLO ASASINATO DE Mª CARMEN

Concentración este martes, ás 8 da tarde, día 6 de febreiro, na Praza de Amada García, diante do Edificio Administrativo da Xunta de Galicia de Ferrol

A Marcha Mundial das Mulleres quere manifestar a súa dor pola morte de Mari Carmen, veciña de Meaño, e a sua repulsa unha vez máis pola violência de xénero. E queremos facer pública a nosa raiba e a nosa dor para que o seu asasinato non sexa silenciado.

Mari Carmen é a primeira víctima de violencia de xénero en Galiza neste ano 2007, pero temos que lembrar que non é a primeira en Galiza desde o 2005 como din algúns meios de comunicación. No ano 2006 foron asesinadas outras tres mulleres: Águeda (en Baiona), Argentina (en Vigo) e Mª Mar (en Cedeira), sen contar coa muller nixeriana aparecida morta en Vigo da que non sabemos se morreu por causas naturais.

Unha vez máis temos a constatación dolorosa de que a “familia e o fogar” seguen sendo lugares inseguros para as mulleres, porque non está garantida a nosa seguridade, e a nosa liberdade.

A violencia de xénero non é un problema individual causado polo álcool, ainda que éste pode ser un desencadenante, nen é un problema das mulleres, ainda que somos nós quen o sofrimos. É un problema da cultura masculina/patriarcal e dos homes. Son as normas desta cultura as que propician e toleran a violéncia e son “homes” as que a exercen de diversos modos e en diferentes ámbitos. Por todo iso é necesário o compromiso de toda a sociedade para colaborar na loita contra a violéncia.

Esta vez foi Mª Carmen quen morreu pero cando unha muller é asasinada todas somos víctimas.

MMM na comarca de Ferrol
FENE [Ferrol-Terra]:
Escola Fonte do Campo S/N
15500 Fene
Telfs 652201003 - 667685430 - 696732735

Marcha Mundial das Mulleres na Galiza
http://www.feminismo.info

correio-e: marchagaliza@feminismo.info

MMM web-internacional
http://www.marchemondiale.org

Rede Estatal de Organizacións Feministas Contra a Violencia de Xénero
http://www.redfeminista.org

A Rede fai un chamamento:

A todas as mulleres para que non toleren nas súas relacións, tanto públicas como privadas, ningunha afronta á súa dignidade e integridade, sumándose á defensa de cantas iniciativas tendan á erradicación da Violencia de Xénero.

A noticia nos medios de comunicación convencionais:
=============
La Voz de Galicia
=============
Diario de Ferrol
=============
Galicia Hoxe
=============
Faro de Vigo
=============

Respéctame
as miñas diferencias, os meus desexos, a miña sexualidade, a miña historia, a miña capacidade de decidir, de pensar, de traballar, de gozar; de decidir sobre a miña vida , a miña sexualidade, as miñas amizades, os meus estudos, o meu traballo; sen imposicións, sen malos tratos, sen discriminacións, sen violencia, sen estereotipos, sen sexismo, sen machismo,...

importante: Convocatoria dumha concentración de apoio ao si no referendum do aborto en Portugal

2007-01-28T17:16:00.000+01:00

AS MULLERES TEMOS DEREITO A DECIDIR SOBRE O NOSO CORPO E AS NOSAS VIDAS

SOLIDARIEDADE COAS MULLERES PORTUGUESAS
SÍ, NO REFERENDUM POLO DEREITO AO ABORTO EN PORTUGAL

O vindeiro mes de febreiro Portugal sométese a un referendo co fin de despenalizar o aborto. As redes feministas do pais veciño pídennos colaboración para facer máis resaltable este feito, vital no libre dispor das mulleres nos seus corpos.

Como medida de apoio dende a Marcha Mundial das Mulleres na Galiza decidimos

CONVOCAR UNHA CONCENTRACIÓN
DIANTE DO CONSULADO PORTUGUES DE VIGO,

(rúa Marqués de Valladares, 23)
O XOVES, 1 DE FEBREIRO, ÁS 8 DA TARDE

Animámosvos a participar desta iniciativa así como a reenviar este correo ós vosos contáctos.

Un saúdo Feminista dende a Marcha Mundial das Mulleres na Galiza

SOLIDARIEDADE COAS MULHERES PORTUGUESAS

11 DE FEVEREIRO, REFERENDUM POLO ABORTO EM PORTUGAL

O 18 de Janeiro cumprem-se 5 anos da leitura da sentença de Maia pola que se condeava a 17 mulheres por delito de aborto em Portugal. A este julgamento soman-se os de Aveiro, Lisboa, Setubal e umha apretadissima vitória do NOM no referendum polo aborto realizado em 1998, no que a abstençom subiu até um 70%.

Na Marcha Mundial das Mulheres na Galiza consideramos o aborto como um direito fundamental das mulheres que permite a soberania sobre o propio corpo, garantindo a escolha dumha maternidade desejada e responsável.

Som 6 ainda os paises europeios que negam este direito: Chipre, Irlanda, Polonia, Malta, Portugal e o principado de Andorra. Nom se pode negar a influência da hierarquia católica quando estes estados legislam contra os direitos das mulheres.

O referendum portugues do próximo dia 11 de Fevereiro converte-se pois num referente para todas as mulheres da Europa que podem ver como se avança ou se retrocede nos seus direitos numha comunicade geográfica, cultural e económica que di defender a igualdade e os direitos das mulheres.

Monstramos a nossa solidariedade com todas as organizaçons portuguesas que fam apoio ao SIM neste referendum, e com toda a cidadania portuguesa que trabalha por umha sociedade onde os valores da Igualdade, a Justiça, a Liberdade, a Solidariedade e a Paz, inspirem a construçom da sociedade portuguesa, europeia e mundial.

CONCENTRACIÓN
DIANTE DO CONSULADO PORTUGUES DE VIGO,

(rúa Marqués de Valladares, 23)
O XOVES, 1 DE FEBREIRO, ÁS 8 DA TARDE

Coordenadora Nacional da Marcha Mundial das Mulheres na Galiza

--
Coordenadora Nacional Galega
Marcha Mundial das Mulheres
Marcha mundial das Mulleres
Avda de Lugo 143, baixo
15703 Compostela-Galiza
CIF G-15773013
tlf 652201003-657825556-667531529
http://www.feminismo.info

Urxente solidariedade coas mulleres portuguesas

2007-01-17T18:33:00.000+01:00

O vindeiro mes de febreiro Portugal sométese a un referendo co fin de despenalizar o aborto. As redes feministas do pais veciño pídennos colaboración para facer máis resaltable este feito, vital no libre dispor das mulleres nos seus corpos, e como medida de protesta dende a Marcha Mundial das Mulleres na Galiza, decidimos bloquear os correos electrónicos da Embaixada Portuguesa e dos Consulados cun envío masivo de mails amosando o noso rexeitamento á situación actual.

Este envío farase o vindeiro día 18 de Xaneiro, coincidindo coas sentencias que condearon a 17 mulleres no 2003 por levar acabo prácticas abortivas.

Animámosvos a participar desta iniciativa así como a reenviar este correo ós vosos contáctos. Para elo basta con que cliquedes nos enderezos da embaixada e consulados e logo "seleccionar, copiar e colar" no texto que vai a continuación.

Un saúdo Feminista dende a Marcha Mundial das Mulleres na Galiza.

correo-e:

mail@cgsev.dgaccp.pt,

mail@cgmad.dgaccp.pt,

mail@cgbar.dgaccp.pt,

mail@cgvig.dgaccp.pt,

embaportugal@telefonica.net

Coordenadora Nacional da Marcha Mundial das Mulheres

http://www.feminismo.info

SOLIDARIEDADE COAS MULHERES PORTUGUESAS

11 DE FEVEREIRO, REFERENDUM POLO ABORTO EM PORTUGAL

O 18 de Janeiro cumprem-se 5 anos da leitura da sentença de Maia pola que se condeava a 17 mulheres por delito de aborto em Portugal. A este julgamento soman-se os de Aveiro, Lisboa, Setubal e umha apretadissima vitória do NOM no referendum polo aborto realizado em 1998, no que a abstençom subiu até um 70%.

Na Marcha Mundial das Mulheres na Galiza consideramos o aborto como um direito fundamental das mulheres que permite a soberania sobre o propio corpo, garantindo a escolha dumha maternidade desejada e responsável.

Som 6 ainda os paises europeios que negam este direito: Chipre, Irlanda, Polonia, Malta, Portugal e o principado de Andorra. Nom se pode negar a influência da hierarquia católica quando estes estados legislam contra os direitos das mulheres.

O referendum portugues do próximo dia 11 de Fevereiro converte-se pois num referente para todas as mulheres da Europa que podem ver como se avança ou se retrocede nos seus direitos numha comunicade geográfica, cultural e económica que di defender a igualdade e os direitos das mulheres.

Monstramos a nossa solidariedade com todas as organizaçons portuguesas que fam apoio ao SIM neste referendum, e com toda a cidadania portuguesa que trabalha por umha sociedade onde os valores da Igualdade, a Justiça, a Liberdade, a Solidariedade e a Paz, inspirem a construçom da sociedade portuguesa, europeia e mundial.

Galiza, 15 de Janeiro de 2006

Coordenadora Nacional
da Marcha Mundial das Mulheres na Galiza
Avda de Lugo, 143 baixo. Compostela.

http://www.feminismo.info

Erro na convocatoria do 25-N en Compostela

2006-11-22T17:20:00.000+01:00

No envío dos actos que cada localidade vai organizar con motivo do 25N, Día Internacional contra a violencia de Xénero, hai un erro na programación referido a Compostela.

A hora de concentración é as 18.00 horas na Praza do Toural.

Un saúdo en lila dende Compostela.

25 N mobilizacións 2006

2006-11-18T21:43:00.000+01:00

25 DE NOVEMBRO 2006, DÍA INTERNACIONAL DE LUITA CONTRA A VIOLÈNCIA DE XÉNERO

Participa nas mobilizacións e accións convocadas:

PONTEVEDRA

Día 24
Ás 18 hs actividades na Praza 8 de Marzo
Ás 20hs Pasaruas
Ás 20:30hs Concentración

Día 25
Ás 8 da mañá na Praza 8 de Marzo, construcción dun cemiterio simbólico coas lápidas das mulleres vítimas de violencia.Visibilización de distintas situacións de violencia nas rúas da cidade.

VIGO

Día 24
Composición simbólica con zapatos de mulleres e nenas, desde as 17hs na rúa Principe diante do MARCO

Día 25
Manifestación ás 18hs na Praza Urzaiz, entrada a Principe.

FENE

Día 25 ás 18hs concentración na Praza do Ameneiral (Praza Verde) en Perlío. Construcción simbólica con zapatos de mulleres e nenas. Actividades de animación sobre distintos tipos de violencias.

COMPOSTELA

Día 25
Concentración na Praza do Toural ás 20hs. Deseño de siluetas de mulleres representando ás vítimas de violencia.

CEE

III XORNADAS CONTRA A VIOLENCIA DE XÉNERO

Dia 24
* Ás 20 h no salón de plenos da Casa do Concello, Cee:
Conferencia e debate:
"O fenómeno da violencia"
Esperanza Castelo Gómez
Técnica superior do SGI.CIAM A Coruña

Dia 25
* Ás 17 h na Escola Municipal de Música:
Obradoiro: Nosoutras sabemos.
Nosoutras valemos.
Nosoutras podemos.
Xuntas imos aprender aa coidarnos mellor e a querernos máis a nós mesmas. Unhas coas outras imos aprender a valorarnos máis no que somos e no que valemos.
Tereixa Ledo Regal
Socióloga,animadora de obradoiros
de crecemento persoal.
Inscrición previa:
até martes día 21, nos tlfs: 651-986191 ou 666-629875

CONCENTRACIÓN : Respéctame.
* Ás 20 h na Praza do 8 de marzo, en Cee.

A CORUÑA

Día 22
Charla Colóquio "A violéncia psicolóxica" con visualización de anacos da película SOLAS.
Participarán a Directora do CIM de Curtis e a Directora do CIM de A Coruña.
Fundación Caixa Galicia ás 20hs.

Día 25
Concentración no Obelisco às 19hs "Respéctame"

CARBALLO

Dia 23
Participación na "Carpa do movimento asociativo" con exposición de fotografías.

Día 25
Concentración diante da casa do concello às 19hs "Respéctame"

[Ver cartaz]

[Ver comunicado]

Coordenadora Nacional da Marcha Mundial das Mulleres na Galiza

Para contactar:

[+ Info]
http://www.feminismo.info

Represion franquista contra as mulleres

2006-08-24T11:19:00.000+02:00

A Marcha Mundial das Mulleres na Coruña ven de colaborar nas actividades que se desenvolveron na cidade da Coruña có gallo da estancia na mesma do Barco Da Memoria.
Entre os días 14 e 18 de agosto leváronse a cabo diversas actividades para lembrar a todas as persoas que sufriron a represión durante a guerra e a postguerra.
O día 16 foi adicado enteiramento a resaltar o papel das mulleres que sofriron a represión, tanto pola súa participación activa na resistencia como pola súa colaboración na loxística e apoio das persoas fuxidas.
Pola mañá celebrouse un maratón de leitura e pola tarde a mesa redonda "A muller como vítima do franquismo" coa participación de Victoria Martinez Rodriguez, Carme Blanco, Aurora Marco, Lois Perez Leira e Angel Rodriguez Gallardo.
En breve poremos á vosa disposición as fotos dos actos e os textos das intervencións.
Coordenadora Comarcal da Coruña da Marcha Mundial das Mulleres

Declaración final do VI Encontro Internacional

2006-07-21T18:55:00.000+02:00

COMUNIDADO DO VI ENCONTRO INTERNACIONAL EM LIMA
10 DE XULLO DE 2006
Nós, mulleres da Marcha Mundial, vidas de 31 países de todo o mundo, reunidas no noso Sexto Encontro Internacional en Lima, Perú, do 2 ao 9 de xullo 2006, rexeitamos a globalización neoliberal e patriarcal, a militarización e a imposición dos acordos ditos de "libre comercio" polos seus efectos devastadores sobre as mulleres e os homes, os pobos e o planeta.
Nós loitamos por erradicar a pobreza e a violencia e pola construción dun mundo baseado na liberdade, igualdade, xustiza, solidariedade e paz. Unimos as nosas forzas para contrarrestar a impunidade, as intervencións e agresións estranxeiras e para lograr a nosa soberanía alimentaria. Actuamos en alianza con outros movementos sociais, que como nós, están resistindo e tomando accións en todos os recunchos do mundo. Nós cremos que é posible crear este mundo.

Para as mulleres esta globalización neoliberal e patriarcal tradúcese nun retroceso en todas as esferas da súa vida, tanto no público como o privado. Vívese un aumento, do sexismo, dos fundamentalismos relixiosos, do conservadurismo, da xenofobia e do racismo. Os dereitos sociais, sexuais e reproductivos que as mulleres lograron nos últimos anos, por exemplo o acceso legal e seguro ao aborto, están sendo cuestionados en varios Estados. As mulleres teñen cada vez menos acceso a obter un traballo digno, de xusta remuneración, mentres continúan facendo o traballo doméstico; increméntanse as discriminacións contra as lesbianas, mulleres imigrantes, mulleres que viven con incapacidades de todo tipo e contra outras mulleres marxinadas. A pobreza das mulleres aumenta, ata dentro dos países chamados "ricos".

Nós denunciamos que, para satisfacer o consumo desenfrenado de recursos dos Estados Unidos e os seus aliados en Europa ou noutras partes do mundo, impulsan guerras a través do planeta e impoñen tratados económicos que impiden a soberanía alimentaria dos pobos, confrontan a súa autonomía política, a paz e o dereito das persoas a circular libremente. Eles fan isto en nome da guerra contra o terrorismo. Usan as organizacións financeiras internacionais (FMI, BM, OMC), impoñen os tratados e crean áreas ditas de « libre comercio » para as transnacionales quen sacan destas guerras enormes ganancias.

Estas políticas causan o agotamiento dos recursos naturais, que son propiedade dos pobos que sempre as valoraron e usaron para producir alimentos e medicinas. Estas guerras acompáñanse de múltiples formas de violencias, particularmente cara ás mulleres, as cales son violadas, violentadas, prostituídas, usadas como escravas sexuais e asasinadas; as mulleres sofren traumas físicos (mutilaciones, feridas e o incremento do VIH/SIDA) e traumas psicolóxicos profundos. Denunciamos os feminicidios e a utilización do corpo das mulleres como terreo de batalla e botín de guerra.

Estas políticas aumentan tamén o tráfico de seres humanos, particularmente de nenas e mulleres ás que se lles considera o seu corpo como mercancía, fonte de ganancias para as organizacións criminais. Hoxe en día, as ganancias adquiridas de tráta de mulleres e da prostitución constitúen a terceira fonte de ganancias no mundo, despois do tráfico de armas e de drogas.

Estas guerras destrúen as poboacións civís, causan desprazamentos, privan ás campesiñas e campesiños do acceso á terra, á auga e, polo tanto, impídelles a produción de alimentos necesarios para a súa sobrevivencia. Existe a circulación dunha gran cantidade de armas, como na rexión dos Grandes Lagos Africanos, en Colombia e, a través do mundo onde existen conflitos armados desde hai moitos anos. Ademais, asistimos á instalación de bases militares e de bloqueos políticos e económicos, como nas Filipinas e en Cuba respectivamente, así como noutros países do mundo. Hai territorios ocupados e invadidos por forzas estranxeiras onde os gobernos perden a posibilidade da súa soberanía. Nós, denunciamos particularmente as intervencións militares de EE.UU. en Iraq e Afghanistán, as agresións e a ocupación de Israel en Palestina e noutros países árabes. Nós esiximos a retirada de todas as forzas que ocupan estes países, o desmantelamento de todas as bases militares, a destrución das armas e o fin dos bloqueos políticos e económicos.

Nós recoñecemos que as mulleres dos pobos indígenas, poblacións indígenas, poblacións tradicionais e afrodescendientes son sabias e protectoras da natureza. Esiximos respecto dos seus territorios e culturas. A privatización dos recursos naturais, a auga, o aire, a biodiversidade e a propiedade intelectual causan unha perda de soberanía e o empobrecimiento xeneralizado dos pobos e as nacións.

As guerras e os ataques á soberanía dos pobos son froito do modelo patriarcal e capitalista que denunciamos e rexeitamos. Tamén denunciamos o deterioro das responsabilidades sociais dos Estados, a perda de soberanía e de legitimidad dos gobernos, onde a corrupción e a impunidade reinan. Cando un goberno se somete aos dictames doutro país ou dunha institución financeira e cando a procura de ganancias faise en detrimento do benestar das mulleres, dos homes e dos pobos, constatamos un retroceso enorme no respecto aos seus dereitos.

Nós apelamos ás nosas aliadas e aliados a unirse nesta loita. ¡Xuntas e xuntos poderemos cambiar a vida das mulleres. Cambiaremos o mundo!
www.feminismo.info

Comunicado da organización CODEPINK diante dos ataques contra o Libano

2006-07-20T13:11:00.000+02:00

As xentes do Oriente Medio están sufrindo unha vez máis como os militaristas de todos os lados lanzaron outra devastadora ronda de violencia -- esta vez entre Israel e Líbano. Cada bomba lanzada, cada crianza morta, representa o noso fracaso colectivo de vivir xuntos e xuntas coma unha familia humana, e a ascensión do militarismo irracional por encima dos valores da empatía e a compasión.

EStamos horrorizadas non só pola violencia en sí mesma, senón tamén pola carencia de autoridade (liderazgo) internacional para tratar de parala. Isto é especialmente certo para aquelas de nós que estamos vivindo nos Estados Unidos: mentres o mundo está berrando pola intervención global para parar esta loucura, o noso governo está bloqueando á comunidade internacional en canto á petición dun alto o fogo -- confundindo o dereito de Israel de defenderse coa opción de asasinar civiles inocentes y voar polos aires pontes, aeroportos e centrais eléctricas libanesas.

A pesar de que os mortos e mortas libaneses exceden de 200, e os israelís suman 24, os esforzos para voltar á diplomacia veñen de atoparse con extremo escepticismo. O pasado xoves día 13 de xullo, en resposta a Israel lanzando masivos e novos ataques militares na Franxa de Gaza polo secuestro dun soldado israelí, o Consello de Seguridade da ONU introduciu unha resolución chamando a TODAS as partes a exercer o "refrenamento". Esta resolución foi vetada por John Bolton, Embaixador de USA na ONU. O domingo, a ONU intentou chamar a un alto o fogo entre Israel e Hezbollah, e unha vez máis foi bloqueado por USA.

Mentres tanto, as novas sobre Iraq caeron ás últimas páxinas dos nosos xornais, a pesar do feito de que arredor de 100 civís foron asasinados nos últimos días. Unha vez máis, nós pensamos que o governo de USA impide os esforzos do governo iraqí e os oponentes armados para camiñar hacia un plan de reconciliación que incluiría a retirada das tropas USA.

Hoxe é o decimosexto día de nosa folga de fame en Washington DC e en todo o mundo. Mentre continuamos coas miras postas en traer as nosas tropas a casa desde Iraq, tamén incorporamos a chamada ao fin da violencia en todo o Oriente Medio no noso traballo de paz, e especificamente nos nosos obxectivos da campaña "Troops Home Fast". É en momentos coma este cando a folga de fame (xexún) pode profundizar o noso compromiso e reforzar a visión do mundo no que queremos vivir.

Con esperanza que non morre pola paz,

Allison, Dana, Erin, Farida, Gael, Jodie, Katie, Laura, Medea, Meredith, Nancy, Rae, Samantha and Tiffany

Cando o noso governo falla permitindo este sufrimento, nosoutras -como cidadás responsables- debemos actuar. Aquí hai varias suxestións:

1. Contactar co Embaixador John Bolton no e-mail usa@un.int e pedirlle que chame ao alto o fogo
2. Contactar co Secretaria Xeral da ONU Kofi Annan e pedir que a ONU debe mostrar liderazgo e autoridade e demandar o alto o fogo. Email: sg@un.org e/ou fax: (212) 963-1921
3. Realizando manifestacións locais e vixilias....
4. Unirse á folga de fame. Estamos na terceira semana de folga de fame, na que xa participaron arredor de 4000 persoas.

Acto coas delegadas galegas em Compostela

2006-07-15T01:12:00.000+02:00

As delegadas galegas no VI Encontro Internacional da Marcha Mundial das Mulheres, expusérom em Compostela, na nova sede da Coordenadora Nacional, as experiencias vividas em Perú.
As delegadas, apoiando-se na proxecçom de fotografías realizadas durante a súa estáncia em Lima, explicárom a ceremónia de inauguraçom do VI Encontro Internacional, os debates nos grupos de trabalho e o debate nas plenárias. Também compartírom a participaçom em dúas manifestaçons, umha organizada em protesta pola aprovaçom do Tratado de Livre Comércio (TLC) e na convocada polo movimento Vaso de Leche, que reuniu nas rúas da capital peruana miles de mulheres reivindicando a continuidade dos plans alimentários e o mantenimento dos comedores comunitários.
Para rematar explicárom o relevo do Secretariado Internacional que passa a Brasil e a participaçom galega na Festa de feche do encontro.
Agarda-se que estas delegadas comecem a partir do mes de Setembro umha campanha de actos ao longo da geografia galega.

14 de xullo, Encontro coas delegadas galegas em Compostela

2006-07-10T18:13:00.000+02:00

Na cidade de Lima clausurouse o VI Encontro Internacional da Marcha Mundial das Mulleres. O obxectivo deste encontro foi a aprobación do Plan Estratéxico da Marcha e as accións até o 2010.Os bloques de discussión xiraron ao redor dos temas da violencia contra as mulleres, a desmilitarización, a soberania alimentaria, a biodiversidade, o traballo das mulleres e o aceso aos recursos. Aprobouse o traslado do Secretariado Internacional de Quebec a Brasil.
Galiza enviou dúas delegadas a Lima, Barbara Primo e Laura Anhom. A Coordenadora galega celebrará un encontro aberto con estas delegadas o próximo día 14 de xullo ás 20 hs na sede da Marcha Mundial das Mulleres en Compostela, situado na Avda de Lugo nº143 baixo.Haberá proxección de fotografías do Encontro e relato da experiencia das delegadas, ademais de petiscos e música.
Agardamos a vosa presencia e que difundades este convite.

http://www.feminismo.info

Diante do assassinato de Mar Becerra e Pablo do Camiño

2006-07-08T20:47:00.000+02:00

A MARCHA MUNDIAL DAS MULHERES DIANTE DO ASSASSINATO EM CEDEIRA DE Mª DEL MAR BECERRA E DE PABLO DO CAMINHO EM VIGO, QUERE MANIFESTAR AS SEGUINTES REFLEXONS

1ª As agressons contra as mulheres nom cesam, asistimos morte tras morte a umha reproducçom por parte das novas geraçons dos esquemas machistas e sexistas, tanto nas relaçons afectivas como na sexualidade, e a ideia das mulheres como seres a dominar, castigar ou posuir.

2ª O asasinato de Pablo do Caminho em Vigo, está provocado por esse mesmo tipo de concepçom das relacións afectivo-sexuais: marcar territorio, a posesión, os ciumes...esta vez tendo como vítima a um home.

3ª A morte de Mª del Mar Becerra, supom umha tragedia, primeiramente para ela que perdeu a vida com 28 anos, para a súa familia, mas também, e polas circunstancias nas que se deu, trae associada, como outras vezes, umha ola de reacçom social que provoca umha perda de liberdade para as mulheres, sobre todo para as rapazas novas. Ademais do medo, (agora já nom estás segura nem buscando trabalho), as familias imponhem restricçons horarias, de espazo, e mesmo cambio de hábitos. Também, muitas mulheres vam-se autolimitar, como medida de seguridade. Todo esto nos indica que a violencia contra calquera mulher nos fai menos livres a todas.

4ª Necesitamos um compromiso social muito mais amplo nesta luita contra o patriarcado em todas as suas expressons. Em primeiro lugar o compromiso das instituiçons para que adiquem mais ideias, iniciativas e orzamentos para erradicar a violencia da vidas das mulheres. Em segundo lugar dos homes para que nom sejam complices silenciossos do sexismo e o machismo e combatam as declaraçons, actitudes e comportamentos que agredam os direitos das mulheres. Em terceiro lugar, de todas nós, para que tomemos mais conciencia e compromiso nesta luita que tem entre mans os nossos direitos fundamentais como pessoas.

DELEGADAS GALEGAS EM PERÚ

2006-07-04T01:02:00.000+02:00

Laura Anhom e Barbara Primo, encontram-se na cidade de Lima participando no VI Encontro Internacional da Marcha Mundial das Mulheres. Estas dúas companheiras que representam á Coordenadora Nacional, aprovarám junto ao resto de delegadas, o Plano Estratégico da Marcha até o 2010.

24 DE MAIO Pontevedra

2006-05-25T11:37:00.000+02:00

A Coordenadora Local da Marcha en Pontevedra, celebrou o Dia Internacional das Mulleres Antimilitaristas colocando unha pancarta na Praza 8 de Marzo. Ao día seguinte, como ven sendo habitual todos os 25 de cada mes, celebramos unha concentración onde leuse o comunicado da organización CODEPINK

24 DE MAIO

2006-05-24T00:14:00.000+02:00

A Coordenadora Local de Ferrol com motivo do Dia Internacional das Mulheres Antimilitaristas e baixo o lema AS MULHERES DICIMOS NOM ÂS GUERRAS, organizou a confecçom dumha alfombra de flores no Cantom. Desde as cinco da tarde até à 8, as mulheres que passarom por ali, utilizárom distintos tipos de flores, plantas ou mesmo legumes e terra, para elaborar umha mensagem contra as guerras no mundo.

Día das Letras Galegas

2006-05-10T21:42:00.000+02:00

Día das Letras Galegas en Ferrolterra

A Coordenadora local de Ferrol colaborou co Ateneo Ferrolán nos actos de celebración do Día das Letras Galegas celebrando unha conferencia a cargo da escritora galega Teresa Moure, autora de libros como “La alternativa no-discreta en lingüística” (1996), “Universales del lenguaje y linguo-diversidad” (2001) ou “La lingüística en el conjunto del conocimiento: Una mirada crítica” (2002). Gañadora do premio Lueiro Rey de novela curta 2004 pola novela “A xeira das árbores” (2004), do premio Ramón Piñeiro de Ensaio 2004 con “Outro idioma é posible” (2005) e do Premio Xerais de Novela 2005 con “Herba Moura”.

Foi un pracer que compartira con todas nós os seus pensamentos e reflexións

8 DE MARZO - DÍA INTERNACIONAL DAS MULLERES

2006-03-08T20:44:00.000+01:00

Día Internacional das Mulleres en Ferrolterra

A Coordinadora Local de Ferrol celobrou o Día Internacional das Mulleres baixo o lema Feminismo, sempre imprescindíbel cunha concentración no Cantón onde participaron mais de 150 persoas. Todas as mulleres que ata alí se acercaron poideron participar no acto lendo diversos textos e portando carteis en favor da igualdade, a liberdade, a solidariedade, a xustiza e a paz. As persoas que por alí pasaron tamén poideron disfrutar dunha exposición de fotografías con algunhas das mulleres que o longo da historia mais aportaron o movemento feminista.

Grazas a todas e todos pola vosa participación!!

Proposición de Lei contra a Violencia de Xénero e a Pobreza.

2006-02-04T10:00:00.000+01:00

Na "exposiçom de motivos" do borrador da Proposiçom de Lei contra a Violência de Género e a Pobreza, elaborada por umha Comissiom da Coordenadora Nacional da Marcha Mundial das Mulheres na Galiza, expom-se qual é o alicerce da proposta e a sua necessidade.

Desde este sítio "FALAMOS ENTRE NÓS ?" que estrenamos agora, aguardamos que podamos debater a proposta e que todas nós contribuiamos a milhorá-la, com propostas, comentários e reflexons.

EXPOSICIÓN DE MOTIVOS

A violencia de xénero na Galiza, nas súas múltiples expresións, provoca cada ano miles de vítimas, como así o reflicte o número de denuncias que se presentaron, e, nalgúns casos, con resultado de morte. Até o momento non existe ningún estudo o suficientemente rigoroso que nos permita unha visión completa desta realidade, mais si podemos afirmar que se reproduce no tempo, ten causas que deveñen da discriminación e da opresión das mulleres na sociedade patriarcal e existen medidas preventivas, de atención as vítimas e cambios nas estruturas sociais que permiten diminuír e paliar os efectos desta violencia no camiño da súa completa erradicación. Á situación de violencia que viven moitas cidadás no noso país, temos que sumar en moitos casos unha situación de pobreza, moitas veces provocada pola situación de malos tratos ou de ruptura das relacións de convivencia. Asistimos así no noso país un aumento da feminización da pobreza e tamén unha maior vulnerabilidade das mulleres e das súas crianzas, en situación de pobreza, ante a violencia de xénero.

Esta lei propón, se temos en conta as competencias das institucións autonómicas da Galiza, unha serie de medidas preventivas en distintos ámbitos onde se perpetúa ou xustifica a violencia de xénero. No ámbito educativo proponse unha nova figura no organigrama escolar, con plenas competencias para desenvolver os obxectivos da Educación para a Igualdade. A formación do persoal docente é básica para conseguir estes obxectivos. A publicidade e os medios de comunicación teñen unha importancia relevante na nosa sociedade. Esta lei pretende incluír na Comisión da publicidade na Galiza e na Compañía de Radio-Televisión de Galiza, aqueles axentes sociais destacados na loita contra o sexismo.

A loita contra a pobreza preséntase como unha medida preventiva na loita contra a violencia na nosa sociedade, ademais de preservar as mulleres que sofren máis intensamente os efectos desta violencia, da dupla vitimización. Ao facermos universais as medidas contra a pobreza realizamos unha maior cobertura na prevención de situacións de violencia dentro das unidades de convivencia e facemos, así mesmo, menos vulnerábeis as mulleres pobres para sufrir este tipo de violencia dentro do mercado laboral. A implantación do salario social e o Fondo de garantía no pagamento de alimentos, perseguen estes obxectivos.

As administracións non están exentas de responsabilidade ante a perpetuación da violencia de xénero. Esta lei propón algunhas medidas ao respecto, como son, a obrigatoriedade dos Estudos de xénero diante das medidas que tomen e a utilización dunha linguaxe non sexista. Ademais corresponde tamén ás administracións un compromiso para promoveren eses mesmos cambios de actitude na sociedade; para iso proponse o desenvolvemento dun Plano de renovación dos valores de igualdade no tecido asociativo.

Os cambios que propón esta lei en materia de atención as vítimas de violencia na Galiza parten do suposto que unha realidade que afecta de xeito tan preocupante a moitas das nosas cidadás e ás súas familias, non pode quedar en mans de entidades con fins lucrativos. Os recursos de que se dotar a nosa comunidade deben ser servizos públicos, co suficiente orzamento e coas equipas dotadas convenientemente para desenvolveren programas de atención integral. A coordinación co Servizo Galego de Saúde e co poder xudicial debe estar asegurada.

A sociedade galega debe dotarse, ou mellorar no caso dos existentes, daqueles organismos que especificamente traballaren para planear e asegurar as políticas de igualdade. Esta lei propón a obrigatoriedade para os gobernos galegos da creación da Consellaría da Muller e a reforma do Servizo Galego de Igualdade. Estas políticas de igualdade deben realizarse partindo da contribución e da participación da cidadanía a través dos canles estabelecidos no ordenamento autonómico, mais esta lei propón abrir un camiño cara á democracia participativa en que se inclúa unha reforma da Comisión Autonómica da Muller, para convertela, a través da representación dos consellos municipais da muller, nun organismo representativo do movemento de mulleres na Galiza e un interlocutor dinámico na participación da elaboración e da execución das políticas de igualdade.

As mulleres con discapacidades e as mulleres en réxime carcerario encontran no noso país verdadeiras barreiras físicas e sociais para a súa integración e o seu pleno desenvolvemento como cidadás. Estas mulleres padecen como todas as demais a violencia de xénero. As disposicións adicionais instan ás institucións a aseguraren os beneficios desta lei.

O texto do borrador de Lei podes atopa-lo em:
http://www.feminismo.info/marcha/ll/lei_galega_min.htm